Հնդկաստանը լայնածավալ զորավարժություններ է սկսել Արևելյան Լադախում Չինաստանի հետ փաստացի վերահսկողության գծի մոտ: Զորավարժությունները տեղի են ունենում Լադախում Հնդկաստան-Չինաստան սահմանի երկայնքով շարունակվող լարվածության և սահմանային շրջաններից զորքերը արագ դուրս բերելու՝ երկու երկրների կողմից շարունակվող ջանքերի ֆոնին:
Հիմալայներում Հնդկաստանի և Չինաստանի միջև սահմանազատված սահմանի բացակայությունը լարվածության աղբյուր է տասնամյակներ շարունակ: Պեկինի և Նյու Դելիի հարաբերությունները կտրուկ վատթարացան 2020 թվականի մայիսին, երբ արևելյան Լադախում սկսվեց առճակատում հնդկական և չինական զորքերի միջև։ Հնդկաստանը Լադախում տեղակայել էր 50.000 զինվորական և 500 տանկ, Չինաստանը նմանատիպ ռազմական կոնտինգենտ էր տեղակայել այս շրջանում։ Ռազմական և դիվանագիտական մակարդակներում մի շարք բանակցություններից հետո Հնդկաստանը և Չինաստանը սկսեցին զորքերի աստիճանական փոխադարձ դուրսբերումը սահմանի վիճելի տարածքներից:
