Պենտագոնը հաղորդում է, որ ԱՄՆ պաշտպանության նախարար Լլոյդ Օսթինը հրահանգել է՝ արագացնել ավիակիրների մատակարարումը Մերձավոր Արևելք, քանի որ աճող լարվածությունը տարածաշրջանային պատերազմի մտահոգություններ է առաջացնում։
Այսպիսով ԱՄՆ-ն առանցքային դաշնակից Իսրայելին իր աջակցությունն է հայտնում, այն բանից հետո, երբ Իրանը և Վաշինգտոնի կողմից ահաբեկչական կազմակերպություն ճանաչված «Հեզբոլահ» խմբավորումը խոստացան վրեժ լուծել անցյալ ամիս «Համաս»-ի քաղաքական ղեկավար Իսմայիլ Հանիեի սպանության համար։
