Ռուսաստանը Ուկրաինայից դուրս է բերում զորքերի մի մասը՝ ի պատասխան Կուրսկի շրջանում ուկրաինական զորքերի հարձակմանը։ Այդ մասին գրում է «The Wall Street Journal»-ը՝ վկայակոչելով ամերիկացի պաշտոնյաների աղբյուրները։ Նշվում է, որ այս գործողությունները վկայում են այն մասին, որ Ուկրաինայի զինված ուժերի հարձակումը Կուրսկի շրջանում հրահրել է ռուսական ուժերի հարկադիր վերախմբավորումը։
Միևնույն ժամանակ Politico Europe-ը, հղում անելով Կիևի մի պաշտոնյայի, հայտնում է, որ ռուսական «համեմատաբար փոքր» ստորաբաժանումներ դուրս են բերվել Կուրսկի շրջան ներխուժմանը պատասխանելու համար:
