Պեկինի և Մոսկվայի հարաբերություններն ավելի ամուր են դառնում․ հայտարարել է ՉԺՀ վարչապետ Լի Ցյանը:
«Անցած 75 տարում մեր երկրների հարաբերությունները դիմացել են միջազգային տուրբուլենտության փորձություններին և դառնում են ավելի ամուր և դինամիկ», – ասել է նա Ռուսաստանի մայրաքաղաք ժամանելուն պես:
Պետական գործիչը նշել է, որ կողմերն ամրապնդում են քաղաքական փոխվստահությունը, իսկ հարաբերությունները ձեռք են բերում «նոր կենսունակություն և եռանդ»․
«Վստահ եմ, որ մեր ընդհանուր ջանքերով չին-ռուսական ռազմավարական գործընկերության և համապարփակ փոխգործակցության հարաբերություններին նոր դարաշրջանում փայլուն ապագա է սպասվում», – ասել Է Չինաստանի վարչապետը:
«Իմ այս այցը Ռուսաստան ուղղված է երկու պետությունների ղեկավարների կոնսենսուսի իրականացմանը, դարավոր բարեկամության շարունակմանը, փոխշահավետ համագործակցության ամրապնդմանը», – Լի Ցյանի խոսքն է մեջբերել Չինաստանի ԱԳՆ-ն:
