ՀՎԿԱԿ տնօրեն Ստեփան Աթոյանը հայտնել է, թե Հայաստանում վերջին օրերին գրանցվող կորոնավիրուսի դեպքերը նախորդ տարվա նույն ժամանակահատվածի համեմատ ավելացել են։ Միաժամանակ, ըստ նրա, շրջանառվող «Օմիկրոն» շտամի JN1 տարատեսակը վարակելիության և ծանրության աստիճանով ավելի թույլ է:
«Վերջին 14 օրվա ընթացքում արձանագրվել է կորոնավիրուսի 229 դեպք, ինչը նախորդ տարվա նույն ժամանակահատվածի համեմատ ավելի է 7 դեպքով»,- տեղեկացրել է Աթոյանը՝ հավելելով, թե վերջին 7 օրվա ընթացքում արձանագրվել է կորոնավիրուսի 113 դեպք, որը նույնպես ավելի է նախորդ տարվա համեմատ։
Ըստ Աթոյանի, Հայաստանում այժմ շրջանառվում է կորոնավիրուսի «Օմիկրոն» շտամի JN1 տարատեսակը. «Այն իր վարակելիությամբ և ծանրության աստիճանով ավելի թույլ է, քան նախորդ տարիներին գրանցված շտամերը»:
