«Եվրատեսիլ» երաժշտական մրցույթը 2025 թվականի մայիսին տեղի կունենա Շվեյցարիայի Բազել քաղաքում։ Այս մասին հաղորդագրություն է տարածել մրցույթն անցկացնող Եվրոպայի հեռարձակողների միությունը (EBU)։
Շվեյցարիան ստացել է հաջորդ տարի «Եվրատեսիլ»-ն անցկացնելու իրավունքը 2024 թվականին մրցույթում շվեյցարացի Նեմոյի հաղթանակից հետո։
«Եվրատեսիլ»-ի կիսաեզրափակիչներն ու եզրափակիչը կկայանան 2025 թ. մայիսի 13-ին, 15-ին և 17-ին St. Jacobshalle-ի արենայում: Մրցույթի մասնակից երկրների ցանկը կհրապարակվի ավելի ուշ, նշել են կազմակերպիչները։
Բացի Բազելից, մրցույթի անցկացման համար դիտարկվում էին նաև Բեռնը, Ժնևը և Ցյուրիխը։
Նախկինում «Եվրատեսիլ»-ն արդեն տեղի է ունեցել Շվեյցարիայում։ Երկրի իտալախոս Լուգանո քաղաքում է անցկացվել ամենաառաջին մրցույթը 1956 թվականին, որի հաղթող է դարձել շվեյցարացի երգչուհի Լիզ Ասիան։
1989 թվականին «Եվրատեսիլ»-ը կայացել է ֆրանսախոս Լոզանում դրա նախորդ տարի մրցույթում Շվեյցարիան ներկայացնող Սելին Դիոնի հաղթանակից հետո։ Իսկ այժմ երաժշտական մրցույթն առաջին անգամ տեղի կունենա երկրի գերմանախոս մասում։
«Եվրատեսիլը» 2024 թվականին տեղի է ունեցել արդեն 68-րդ անգամ։ Մրցույթն ընդունել էր Շվեդիայի Մալմյո քաղաքը։
Հայաստանը «Մանկական Եվրատեսիլ 2024» երգի մրցույթում կներկայացնի Լեո Մկրտչյանը: Հայաստանի այս տարվա պատվիրակն ընտրվել է…
Պակիստանում ռուս օդաչուներով ուղղաթիռ է կործանվել. զոհվել է վեց մարդ։ Այս մասին հայտնում է Reuters–ը։…
Ես հրավեր եմ ստացել և մասնակցում եմ Մյուռոնօրհնություն արարողությանը, լրագրողերին ասել է ԿԳՄՍ նախարար Ժաննա…
Սեպտեմբերի 28-ին խոշոր հրդեհ է տեղի ունեցել Երևանում: Ժամը 15:35-ի սահմաններում ՀՀ ՆԳՆ ահազանգ է…
Իսրայելը պատերազմում է շիական «Հեզբոլլահ» շարժման, բայց ոչ Լիբանանի ժողովրդի հետ: Այսպիսի հայտարարություն է արել…
Մայր Աթոռում տեղի է ունենում Մայր տաճարի Մյուռոնօրհնության արարողությունը։ Սեպտեմբերի 29-ին՝ ժամը 10։30-ին, Մայր տաճարը…