Վրաստանը տեղյակ է երկրի գործերին միջամտության փաստերին․ Պապուաշվիլի

Վրաստանի իշխանությունները տեղյակ են հանրապետության գործերին արտաքին միջամտության փաստերին, հատկապես նախընտրական շրջանում։ Այս մասին լրագրողներին հայտնել է Վրաստանի խորհրդարանի նախագահ Շալվա Պապուաշվիլին։

Որպես օրինակ՝ խորհրդարանի նախագահը բերել է Դանիայի կառավարության կողմից վրացական ընդդիմադիր քաղաքական կուսակցությունների ֆինանսավորման դեպքը։ Վրաստանի իշխանությունները սա գնահատեցին նախընտրական շրջանում որպես միջամտություն։

«Մենք ունենք մեր սեփական հետախուզությունը և մեր սեփական ուղեղը՝ եզրակացություններ անելու համար»,- ասել է Պապուաշվիլին։

Վրաստանում խորհրդարանական ընտրությունները տեղի կունենան հոկտեմբերի 26-ին։ Իշխող «Վրացական երազանք-Ժողովրդավարական Վրաստան» կուսակցությունը, որը իշխանության ղեկին է արդեն 12 տարի, կփորձի հաղթել չորրորդ անգամ։ Նրա գլխավոր հակառակորդը, ինչպես նախորդ ընտրություններում, համարվում է նախկին նախագահ Միխեիլ Սաակաշվիլիի հիմնադրած «Միացյալ ազգային շարժումը»։

Խորհրդարան մտնելու համար կուսակցությունները պետք է հաղթահարեն 5 տոկոսի արգելքը։