Ռուսաստանի արտաքին գործերի նախարար Լավրովը հոկտեմբերի 4-ին Մոսկվայում ընդունել է Հարավային Օսեթիայի «պաշտոնակից» Ջիոեւին: Վրաստանի միջազգայնորեն ճանաչված տարածքում գտնվող երկու կազմավորումների՝ Աբխազիայի եւ Հարավային Օսեթիայի հանրային շրջանակներում վերջին շաբաթներին համառ լուրեր են պտտվում, որ Մոսկվան եւ Թբիլիսին քննարկում են «կոնֆեդերատիվ պետության» նախագիծ: Լավրովը Ջիոեւին վստահեցրել է, որ Հարավային Օսեթիայի «անկախության» ճանաչման որոշումը «չի չեղարկվելու»: Ռուսաստանի արտգործնախարարի կարծիքով՝ «երկու երկրները պետք է հասնեն ինտեգրացիայի ավելի բարձր մակարդակի»: Նույն օրը «Վրացական երազանք» իշխող կուսակցությունը հայտարարություն է տարածել, որով հերքել է Մոսկվայի հետ «կոնֆեդերատիվ Վրաստանի նախագիծ» քննարկելու մասին լուրերը եւ հանրությանը հավաստիացրել, որ «օկուպացված տարածքների անկախությունը երբեք չի ճանաչվի»: Աբխազիայի եւ Հարավային Օսեթիայի խնդիրը չկարգավորված է մնում 2008թ. հնգօրյա պատերազմից հետո, թեեւ կողմերը շարունակում են դիվանագիտական քննարկումները: Ռուսաստանը պահանջում է, որ Վրաստանը պայմանագրային պարտավորություն ստանձնի, որ երբեք ուժ չի կիրառի Աբխազիայի եւ Հարավային Օսեթիայի դեմ: Վրաստանը չի միացել Ռուսաստանի դեմ պատժամիջոցներին, քաղաքական աջակցություն չի ցուցաբերում Ուկրաինային: Այդ հողի վրա Վրաստանի եւ Եվրամիության, ինչպես նաեւ վրաց-ամերիկյան հարաբերությունները հայտնվել են ամենացածր մակարդակի վրա: Հոկտեմբերի 26-ին Վրաստանում խորհրդարանական ընտրություններ են: Փաստացի կկայանա հանրաքվե, թե ինչ ճանապարհ է ընտրում Վրաստանը: Այդ ընտրությունը կարող է վճռորոշ լինել ամբողջ Հարավային Կովկասի համար:
Դեպքի վայրում աշխատանքները համակարգող ՀՀ ՆԳՆ փրկարար ծառայության տնօրեն Կամո Ցուցուլյանը լրագրողների հետ զրույցում հայտնեց,…
ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանն ընդունել է ԱՄՆ գիտության ազգային…
«Պետք է ամեն ինչ անել, որ աշխարհի տարբեր երկրներում տիրող ապակայունացումը չտարածվի մեր տարածաշրջանում». հայտարարել է…
Նորարարության և տեխնոլոգիաների համաշխարհային կոնգրեսի (WCIT2024/DigiTec) շրջանակում հոկտեմբերի 7-ին, ժամը՝ 14։50-ին Կարեն Դեմիրճյանի անվան մարզահամերգային…
«Դոմուս» խանութների ցանցի պահեստում այսօր տեղի ունեցած հրդեհի հետևանքով տուժածների մասին դեռ տեղեկատվություն չունենք. հայտնել…
Վարչապետ Նիկոլ Փաշինյանն հոկտեմբերի 7-8-ին աշխատանքային այցով մեկնել է Ռուսաստանի Դաշնություն: Վարչապետը Մոսկվայում կմասնակցի ԱՊՀ…