Արևմտյան երկրները փորձում են իրենց կանոնները հաստատել Կենտրոնական Ասիայի տարածաշրջանում և Հարավային Կովկասում, թելադրել, թե ում հետ նրանք կառուցեն հարաբերությունները․ հայտարարել է ՌԴ ԱԳ նախարար Սերգեյ Լավրովը:
«Կենտրոնական Ասիայում ծավալվում է հետաքրքիր աշխարհաքաղաքական պայքար՝ պայմանավորված Արևմուտքի՝ այստեղ ևս սեփական կանոնները հաստատելու, Կենտրոնական Ասիայի պետությունների կյանքը կազմակերպելու, նրանց հետ հարաբերությունները կարգավորելու հարցում առաջատար դեր խաղալու փորձերով։ Նույնը, գուցե՝ ոչ այնքան ակնհայտ, արդեն դրսևորվում է նաև Հարավային Կովկասում»,- ասել Է Լավրովը Պեկինում կայացած մամուլի ասուլիսի ժամանակ։
