ԱԺ «Լուսավոր Հայաստան» խմբակցության պատգամավոր Մանե Թանդիլյանը ֆեյսբուքյան իր էջում գրել է.
Այսօր խորհրդարանը քննարկում է ՀՀ Հարկային օրենսգրքում փոփոխությունների նախագիծ կապված շահութահարկի կանխավճարների խնդրի հետ։ Խնդիրը արդիական է կորոնավիրուսով պայմանավորված տնտեսվարողների առարկայական աջակցության մասով, քանի որ տնտեսվարողները ունեն թե՛ շրջանառության ծավալների, թե՛ կանխիկ միջոցների կտրուկ անկում, և այս պայմաններում շահութահարկի կանխավճարների գործող համակարգը չի արտացոլում տնտեսության իրական և սպասվող իրավիճակը։
Այս մասին բարձրաձայնել եմ դեռևս երկու ամիս առաջ՝ համարելով, որ առանց հարկային արտոնությունների հնարավոր չէ բիզնեսին տալ ճգնաժամին համարժեք աջակցություն:
