«Ազատ քաղաքացի» քաղաքացիական նախաձեռնությունների աջակցման կենտրոնի ղեկավար Հովսեփ Խուրշուդյանը ֆեյսբուքյան իր էջում գրել է.
Չեմ զարմանում, որ ԲՀԿ պատգամավորները չեն հասկանում, որ իրենց խայտառակ պարտավորագրերը, որոնց իսկությունը հենց նոր իր ելույթում հաստատեց Տիգրան Ուրիխանյանը, խախտում են Հայաստանի Հանրապետության սահմանադրական կարգը:
Սահմանադրության hոդված 94. Ներկայացուցչական մանդատը. “Պատգամավորը ներկայացնում է ամբողջ ժողովրդին, կաշկանդված չէ հրամայական մանդատով, առաջնորդվում է իր խղճով և համոզմունքներով:”
Բայց որտեղի՞ց հասկանան թե ինչ բան է սահմանադրական կարգը մարդիկ, ովքեր իրենց շեֆի հետ մեկտեղ քաղաքականությունը իրենց բիզնեսի մի մասն են համարել, որտեղից հասկանան թե ինչ բան է պետությունը նրանք, ովքեր ընտրակաշառքներով զավթել են այդ պետության մի մասը: Որտեղից հասկանա թե ինչ բան է խիղճ ու համոզմունք, ժողովրդի հոգս ու կարիք մի կուսակցություն, որը հազարավոր կիսասոված մարդկանցով լի երկրում՝ առաջին անգամ 2007թ. խորհրդարան մտած-չմտած Քոչարյանի միջամտությամբ հասավ նրան, որ Ազգային ժողովը ՀՀ պետական բյուջեից 6 միլիոն դոլարի չափ գումար որպես “սուբսիդիա” հատկացնի իրենց շեֆին պատկանող ու շահույթով աշխատող Արարատի ցեմենտի գործարարնին:
Ի՞նչ գործ ունի, ընդհանրապես, ձեր “քաղաքական” ուժը Նոր Հայաստանում: Դուք թալանի, կեղծիքի՝ Սերժի ու Ռոբի Հայաստանի մնացուկներն եք:
