ՀՀ ԱԺ պատգամավոր Ռուբեն Ռուբինյանը ֆեյսբուքյան գրառմամբ անդրադարձել է ընդդիմության այն դիտարկմանը, որ արտակարգ դրության պայմաններում հավաքների ազատության սահմանափակումը պիտի հանվի՝ հիշեցնելով, որ մարտին բազմամարդ հավաքների մասին այլ կարծիք էին արտահայտում.
«Այն անհարմար պահը, երբ երկրում կորոնավիրուսի վարակման 1-2 դեպք ունենալու պայմաններում հանրաքվեի՝ մի քանի օր տևած և շատ արագ չեղարկված քարոզարշավի անցկացման փաստը 3 ամիս շարունակ շահարկած ընդդիմությունը երկրում կորոնավիրուսի վարակման 10000-ից ավելի դեպքեր ունենալու պայմաններում պնդում է, որ արտակարգ դրության պայմաններում հավաքների ազատության սահմանափակումը պիտի հանվի»,- գրառել է պատգամավորը:
