Գործող իշխանությունները շատ լավ ընդդիմություն ունեն։ Իրական ընդդմության տարբեր թևեր չեն գտնվում խորհրդարանում ու չեն ներկայացնում նախկին իշխանություններին։ Ընդդիմադիրներից ոչ ոք մեջքից չհարվածեց, նույնիսկ, երբեմն սուր քննադատություններով ու նեղացած խոսքերով ոչ մեկը չանցավ ռումիկոնը, ինչպես որ վարվում էին թալանչի, կրիմինալ ու կառումպացված նախկիններն իրենց մեդիայով ու հետևանքներով։
Փաշինյանի այսօրվա ելույթում շատ կարևոր շեշտադրում կար։ Դա չէր վերաբերվում կեղծիքն ու օլիգարխիան մարմնավորող ապաքաղաքական չարքերին։ Դա ընդդիմադիրների մասին էր, որոնց քննադատություններից նեղվում են իրենք։ Այդ դիրքավորումն ինձ համար ոգևորիչ է, քանի որ տեսանելի է դառնում կառավարող ուժի մոտեցումները և համագործակցության պատրաստակամությունը առողջ ուժերի հետ։
Ես այն կարծիքին եմ, որ եկել են պարարտ ժամանակներ, որ գործող վարչակազմը կոնստրուկտիվիզմից չխուսափի և դաշտ գեներացնի, նախաձեռնի իրական ընդդիմադիրների համար, ովքեր արժեքների, գաղափարների և տեսլականների մրցավազքի մեջ կմտնեն, ինչու ոչ՝ նաև կներքաշեն ամբողջ քաղաքական դաշտը, որտեղից արդեն իսկ արտամղված կլինեն կեղծիքի ու չարիքի ռեժիմի մնացուկներն ու մանիպուլյատորները։ Այստեղ պետք է հաստ գիծը ցույց տալ արտաքին աշխարհին, թե ինչու և ովքեր չեն ներառվում, որպեսզի այն չհամարվի քաղաքական հետապնդում, իսկ ներառվողները չներկայացվեն, որպես իշխանության արբանյակներ կամ կցորդներ։
Իմ գնահատմամբ Փաշինյանի կառավարությանը բաժին է հասնել լավագույն ընդդիմությունը, որը գործնականում ապացուցել է իր ժողովրդավարական, համամարդկային և ազգային արժեքների կրող լինելը՝ չհաշված մի քանի դեպքերի, որոնք պարտադրվել էին չարիքի ռեժիմի կողմից։
Հուսով եմ, որ շուտով կսկսվեն քաղաքական կոնսուլտացիաներ հեղափոխության ամբողջացմանը միտված բոլոր ուժերի ու անհատների հետ, որը ցույց կտա և՛ մեր ժողովրդին, և՛ արտասհմանյան գործընկերներին, որ չարիքի ռեժիմը վերջնականապես զինաթափված է և ազատազրկված կամ ազատազրկման ենթակա, ու Հայաստանում սկսվել է վերափոխումների և վերաարժևորումների անդառնալի գործընթաց հանրային իշխանությունների՝ քաղաքական մասնագիտացված կառույցների բոլոր թևերի մասնակցությամբ հանուն Հայ ժողովրդի։
Նարեկ Այվազյանի ֆեյսբուքյան էջից:
