Ապագայի մետրոն՝ արդեն իրականություն

Արտեմ Լեբեդևի դիզայնի ստուդիան ներկայացրել է «ապագայի մետրո» կոնցեպտը, որը հեղինակների խոսքով աշխարհում ամենագեղեցիկն է, հարմարն ու ընդարձակը։ Գլխավոր առանձնահատկություններն են առավելագույն մակերեսով ապակեպատումը,  պատուհանների պրոեկցիաները և տրանսֆորմացվող նստատեղերը։ Բացի դրանից, դիզայներները վագոնում նախատեսել են տեղադրել նաև տերմինալներ, որոնցով կարելի է վճարել ինչպես երթուղու, այնպես էլ  տարատեսակ ծառայությունների համար, օրինակ կոմունալների։ 

Դեռ հայտնի չէ՝ արդյոք նախագիծը կհետաքրքրի Մոսկվայի մետրոյին։ Նշենք միայն, որ նախագծի գեղարվեստական ղեկավարն է հանդիսանում անձամբ ստուդիայի հիմնադիր Արտեմ Լեբեդևը, ով հայտնի է Մոսկվայի քաղաքապետարանի հետ փոխշահավետ համագործակցությամբ։