Գեղարքունիքի մարզպետ Գնել Սանոսյանը մանրամասներ է ներկայացրել մարզում կորոնավիրուսով պայմանավորված իրավիճակի վերաբերյալ: Նա ֆեյսբուքյան իր էջում գրել է, որ հուլիսի 8-ի դրությամբ Գեղարքունիքի մարզում հաստատվել է կորոնավիրուսով վարակվելու 27 նոր դեպք:

«Հուլիսի 8-ի դրությամբ Գեղարքունիքի մարզում հաստատվել է կորոնավիրուսային հիվանդության 27 նոր դեպք, եւս 19 հոգի առողջացել է»,- գրել է նա:

Ընդհանուր առմամբ, Գեղարքունիքի մարզում կա կորոնավիրուսով վարակման հաստատված 1283 դեպք, որից նոր՝ 27-ը: Մարզում վարակից մահվան ընդհանուր թիվը 17 է: Իսկ ամբողջությամբ ապաքինված քաղաքացիների թիվը կազմում է 972: