ՀՀ փոխվարչապետ Տիգրան Ավինյանը ֆեյսբուքյան իր էջում գրել է.
Սիրելի՛ հայրենակիցներ,
Մենք ցանկանում ենք կառուցել տեխնոլոգիապես զարգացած, հզոր ու նորարար երկիր, ստեղծել մարտահրավերներին դիմագրավող և ընթացող բեկումնային փոփոխություններից առավելագույնը քաղող պետական համակարգ: Այս նպատակներին հասնելու համար առանցքային դեր ունի թվայնացումը և էլեկտրոնային կառավարումը։
Ուրախ եմ տեղեկացնել, որ ՄԱԿ-ը հրապարակել է երկրների Էլեկտրոնային կառավարման զարգացման ցուցիչ 2020-ը, որտեղ Հայաստանը 2018թ.-ի համեմատ իր դիրքերը բարելավել է 19 կետով՝ 193 երկրների շարքում զբաղեցնելով 68-րդ տեղը։
📌Իսկ դեպի ծով ելք չունեցող երկրների շարքում Հայաստանը աշխարհում երկրորդն է՝ զիջելով միայն Ղազախստանին։
ՄԱԿ-ի էլեկտրոնային կառավարման 2018թ. հետազոտության համաձայն Հայաստանը Էլեկտրոնային կառավարման զարգացման ցուցիչում ուներ 0.5944 ցուցանիշ, մինչդեռ 2020թ. այն արդեն 0.7136 է (https://publicadministration.un.org/…/2020%20UN%20E-Governm…):
📌Նշեմ նաև, որ հետազոտության արդյունքներով Հայաստանը էլեկտրոնային մասնակցության ցուցիչով նույնպես զգալիորեն բարելավել է դիրքերը 2018 թվականի համեմատ՝ արդյունքում ընդգրկվելով ամենաբարձր վարկանիշ ունեցող երկրների խմբում:
https://www.facebook.com/tigran.avinyan/posts/2526465514324520?__xts__[0]=68.ARB1d2Zu9qaPj0ytVcTe_1ZOru-twHNvg81U4m66MTSgsH4FGrsgptbbXmBr7h-PLm_8LytSmkxBurwxRxflJNsI0mdLOaFb0c73AKUdTs-yG1H17ItEuAMdOXi9TVKafmLOIPxpay6mhyK7wQNYF-Aa8dIjJl6pi8vjNl2lVhWP_W3eTFeJhJDLi7wrSudRuyX3EE7otr56rgWVP2eQ51bQiuE9HSmnpQOngYnZOW-ryHPW4x-u-PhE-SNiuf6dz5myV54r33cXovzA51oieVG7GxzR1uovixl3wCZ2CoElb-WODS4rALtC0PdD1yXCrNYxWmlqkPOygqhG41lUIyrZMczJ&__tn__=-R