Ներկայիս Թուրքիայի արևելյան Իգդիր քաղաքում ապրող ադրբեջանցիները հեծանվային երթի միջոցով իրենց դժգոհությունն են արտահայտել հայկական զինված ուժերի գործողությունների կապակցությամբ՝ հայտնում է Ermenihaber.am-ը։
Նշվում է, որ բողոքի ակցիան կազմակերպել են Իգդիրի հեծանվային ակումբը և Իգդիրում «Թուրքիա-Ադրբեջան բարեկամության ասոցացիայի ներկայացուցչությունը»։
Ցուցարարները պարզել են Թուրքիայի և Ադրբեջանի դրոշները, վանկարկել հակահայկական լոզունգներ և հնչեցրել Հայաստանի դեմ ուղղված կոչեր։
«Պետք է համարժեք պատասխան տալ Հայաստանին»,- ասել է երթի կազմակերպիչներից Սերդար Ունսալը և, ըստ էության, կրկնել է Թուրքիայից հնչող հայտարարություններն առ այն, որ «Թուրքիան և թուրք ժողովուրդը Ադրբեջանի կողքին են և Ադրբեջանը միայնակ չէ»։
