Սիրելի ընկերներ, լրագրողներ, ներողություն եմ խնդրում Ձեր համառ զանգերին չպատասխանելու համար: Արդեն մի քանի օր է՝ կորոսնավիրուսը ինձ հասցրեց հիվանդանոց, «Նորք» ինֆեկցիոն կլինիկական հիվանդանոցի հիանալի բուժանձնակազմը քիչ-քիչ ոտքի է կանգնեցնում, բայց դեռ թույլ եմ շատ:
Այս մասին ֆեյսբուքյան իր էջում գրել է ԱԺ պատգամավոր Գայանե Աբրահամյանը՝ հավելելով, որ անգամ հարազատների հետ խոսելու ուժ չունի, հարցազրույց տալ, վստահաբար, չի կարող։
«Առողջ եղեք, հուսով եմ՝ այս մղձավանջն արագ կավարտվի»,- գրել է պատգամավորը:
Հիշեցնենք՝ ավելի վաղ կորոնավիրուս էր հաստատվել նրա ծնողների, այնուհետ՝ քրոջ, ընտանիքի մյուս անդամների մոտ: