Մարտ ամսից ի վեր ոչ մի միջոցառման մասնակից չեմ եղել. Մարիամ Փաշինյանը հերքում է

ՀՀ վարչապետ Նիկոլ Փաշինյանի ավագ դուստրը՝ Մարիամ Փաշինյանը, ֆեյսբուքյան իր էջում գրել է.

Քանի որ կեղծիքն ու սուտը անպատասխան չեմ սիրում թողնել, ուզում եմ տեղեկացնել. Մարտ ամսից ի վեր, ոչ մի միջոցառման/խնջույքի մասնակից չեմ եղել, ընկերներիս հետ չեմ ողջագուրվել, մարդաշատ վայրերում (տներ, խանութներ) չեմ եղել, դիմակ եմ կրել, և անընդհատ ախտահանվել եմ: Նաև վարակակիր եմ եղել, չեմ իմացել այդ մասին, բայց բարեբախտաբար ոչ ոքի չեմ փոխանցել վարակը: Սա նաև կանոնները խիստ պահելու արդյունք է և ապացույց, որ դիմակների կրումը նվազեցնում է վարակի տարածումը:

Կանոնները պահպանել եմ ոչ թե լրագրողներից պաշտպանվելու համար, այլ արել եմ ընտանիքիս, հարազատներիս ու հայրենակիցներիս համաճարակից պաշտպանելու համար:

Ու խնդրում եմ, դուք էլ հետևեք բոլոր հակահամաճարակային կանոններին, քանի որ միայն անհատական պատասխանատվության դեպքում է հնարավոր հաղթահարել այս ճգնաժամը:

Հիշեցնենք, որ որոշ լրատվամիջոցներ գրել էին, թե Սևանում կազմակերպված աղմկահարույց միջոցառմանը մասնակից են եղել նաև Մարիամ և Աշոտ Փաշինյանները:

https://www.facebook.com/mariampashinyanofficial/posts/2174253212699832?__xts__[0]=68.ARCwfVVly9X-jwc86GrrCfmGi_5miikXxTxXuMUGSOot1q9hCIK0dZnOGBoVdEdPP6c_sVTjmuYTnBAzWG3TV9yzgRfmhhuX1ZofMgJVCEkRl5Tc9KX75cME8V_2-on9fjv4tDx2q7qG9UBTwU2xtG3JbcJ9uQoJE57YM8-4KC7lgUI0-7W_xSTmuS-WNKxJ__H1wBMc_nb_7D7lxI1FZNf_QEgEcr9uVi4tnRpcMgcuEKum5GGFSHw1Wvjr8q4w_ZN2gMEXFGs6jnq6eQT5XIEg2_BnxVq4g3i-j8ifzZz8srLelk6XkgO_MjYuZgb9MJ05sGswhfhbuGwWO0nn6K2WFfVZcNnVv2XNZnu6pZ6GrdM9tx9bFg&__tn__=-R