Երևանի Արաբկիր վարչական շրջանի ղեկավար Արամ Դանիելյանը ֆեյսբուքյան իր էջում գրել է.
Կոմիտաս 45/1 հասցեի հարակից բակում մեկնարկած բարեկարգման աշխատանքների շրջանակում իրականացվեցին բացազատման մասշտաբային աշխատանքներ, որոնց արդյունքում տարածքները վերադարձվում են բակի բոլոր բնակիչներին։ Ապամոնտաժվեց 16 ավտոտնակ և խորդանոց։
Պլանավորված են բակի ասֆալտապատման, կանաչապատման, բարեկարգման աշխատանքներ՝ ներկայացված էսքիզին համապատասխան։
Շնորհակալություն բոլոր այն բնակիչներին, ովքեր տարիներ շարունակ ինքնակամ օգտագործելով այդ տարածքները՝ մեզ հետ բանակցություններում ցուցաբերեցին բարձր գիտակցություն և ընդառաջ գնացին տարածքները հանրությանը վերադարձնելու մեր նախաձեռնությանը։
Մտածում եմ մշակել ստորգետնյա ավտոկայանատեղիների կառուցման այլընտրանքային առաջարկ մոդելներ և նախապատվության իրավունքով առաջարկենք տիրապետել հենց այն բնակիչներին, որոնց ավտոկայանատեղիները ապամոնտաժվում են և ոչ միայն…
Ընդունվում են առաջարկներ:
