Բավական է սուտ ու կեղծ լուրեր տարածեք, բավական է կեղծ էջերով ստեր հորինեք իմ մասին ու դրանք տարածեք ձեր մի քանի կայքերով,- ֆեյսբուքյան իր էջում գրել է գործարար Խաչատուր Սուքիասյանը՝ շարունակելով.
«Ես ոչ մի կապ չունեմ Լիդիան Արմենիա ընկերության, Ամուլսարի հանքի շահագործման հետ։ Նման լուրերը տարածում են ֆեյք էջերով ու փորձում են պախարակել ինձ։ Նշեմ նաև, որ ես ոչ մի կապ չունեմ Ալեն Սիմոնյանի հանդիպումների հետ»։
Հիշեցնենք, որ երեկ մամուլում լուրեր տարածվեցին, որ ԱԺ փոխխոսնակ Ալեն Սիմոնյանը (ով իբրև թե ներկայացնում է Սուքիասյանի շահերը) և «Լիդիան Արմենիա» ընկերության շահերը ներկայացնող Վահան Հովհաննիսյանը հանդիպել են՝ քննարկելու Ամուլսարի հանքի շահագործման հարցը:
