Հարցված ռուսաստանցիների մեծամասնությունը կարծում է, որ Լուկաշենկոն պետք է շարունակի պաշտոնավարել

«Լեւադա» կենտրոնը հարցում է անցկացրել ռուսաստանցիների շրջանում Բելառուսում կայացած նախագահական ընտրությունների և դրանցից հետո սկսված բողոքի ցույցերի շուրջ:

Ռուսաստանցիների գրեթե կեսը (48%) կարծում է, որ ընտրություններն անցել են արդար  կամ գրեթե արդար, այսինքն ՝ Ալեքսանդր Լուկաշենկոն իսկապես հաղթել է: Հարցվածների միայն 36% -ն է վստահ լայնածավալ կեղծիքների մեջ:

Հարցվածների 57% -ը Բելառուսի նախագահի պաշտոնում կցանկանար տեսնել Ալեքսանդր Լուկաշենկոյին, 17% -ը կգերադասեր ընդդիմությունից ինչ-որ մեկին: Ռուսների 58% -ը կարծում է, որ Լուկաշենկոն պետք է բանակցի բողոքողների հետ, գտնի փոխզիջման տարբերակներ, բայց միևնույն ժամանակ մնա պետության ղեկավար: Միայն 17% -ն է կարծում, որ նա պետք է հրաժարական տա: 12% -ը կողմ է բողոքների բռնի ճնշմանը:

Հարցվածների մեծամասնությունը (39%) բացասական վերաբերմունք ունի ցուցարարների նկատմամբ, 33% -ը անտարբեր է նրանց նկատմամբ, 25% -ը կողմ է: Նույն 39% -ը կարծում է, որ բողոքի ակցիաները «արտաքին ուժերի սադրանք են»:

Հարցվածների 38% -ը համաձայն է, որ բելառուսական անվտանգության ուժերի կողմից անհրաժեշտ են կոշտ գործողություններ՝ երկրում կարգուկանոն վերականգնելու համար: 35% -ը որևէ արդարացում չի գտնում մարդկանց ծեծի ենթարկելու համար։

Նյութը՝ afisha.ru, թարգմանություն՝ Կարեն Կոլոսով