ԱԺ «Իմ քայլը» խմբակցության պատգամավոր Վիկտոր Ենգիբարյանը ֆեյսբուքյան իր էջում գրել է.

Իսկ դուք գիտեի՞ք, որ Սևանա լճում արդեն կա diving-ի (ջրասուզման) հնարավորություն:
Diving in Armeniaի ջանքերով այն արդեն իրականություն է: Սևանում ջրասուզվելը ունի մի շարք առավելություններ.

• սուզման խորությունը սկսում է ափից ընդամենը 3-4 մետր հեռավորությունից, հարմար է թե սկսնակների, թե պրոֆեսիոնալների համար,
• Սևանը ի տարբերություն մրցակիցների սակավ ալեկոծություններ և ստորգետնյա ջրային հոսանքներ ունի, այն անվտանգ է,
•  ՌԴ շուկայի ջրասույզների ամենամոտ վայրը Եգիպտոսը և Ղրիմն է, մինչդեռ Սևանը մայրաքաղաքից և օդանավակայանից ընդամենը մեկ ժամվա հեռավորության վրա է,
• Սա զբոսաշրջության նոր և բնապահպանական առումով խիստ օգտակար ուղություն է: Իսկ Սևանի բարձրությունը սպորտսմենների համար մարզվելու ունիկալ և մատչելի հնարավորություն է:

Ի դեպ, պատիվ ունեցա լինել առաջին հյուրերից մեկը, պարզվում է Սևանի ընդերքը ոչ-պակաս կապուտակ ու գեղեցիկ է, իսկ սուզվելը աննկարագրելի հետաքրքիր փորձություն:
Հույս ունենանք, որ նոր բնապահպանական շարժման շնորհիվ Սևանի կենդանական աշխարհը կզարգանա ու սիգը, իշխանը, խեցգետինը կընկալվեն ոչ միայն որպես սնունդ, այլ դիտարժան գեղեցկություններ: Վստահեցնում եմ, ուտելուց հաճելի է:

ԱրմԴայվինգի ընկերներին մաղթում եմ հաջողություններ: