Նիկոլ Փաշինյան – Գագիկ Ծառուկյան հանդիպում դեռևս տեղի չի ունեցել, ԲՀԿ-ն քաղխորհրդի նիստ չի գումարվել:
«Հայկակական ժամանակ»-ի հետ զրույցում ԲՀԿ պատգամավոր Շաքե Իսայանը նշել է, որ քաղխորհրդի նիստն, ամենայն հավանակությամբ, տեղի կունենա առաջիկա օրերին. «Կոնկրետ օր դեռևս նշանակված չկա: Երբ օրը նշանակվի, կհրապարակենք: ԲՀԿ պատգամավորները մարզերում են, կա որոշում, որ առաջիկա շաբաթվա ընթացքում կլինի, երբ բոլոր պատգամավորները կլինեն Երևանում»:
Խոսելով օրակարգի մասին, Իսայանը նշեց՝ օրակարգում Նիկոլ Փաշինյանի հետ հանդպումն է. «Ինչպես նաև ընդհանուր երկրում տիրող իրավիճակը»:
Հիշեցնենք, որ մարտի 5-ին ԲՀԿ պատգամավոր Իվետա Տոնոյանը, անդրադառնալով այն հարցին, թե արդյոք ԲՀԿ-ում կա որոշում ՀՀ վարչապետ Նիկոլ Փաշինյանի՝ արտահերթ խորհրդարանական ընտրություններ անցկացնել առանց վարչապետի թեկնածու առաջ քաշելու պայմանի վերաբերյալ, և պատրաստ է ԲՀԿ-ն հրաժարվել Վազգեն Մանուկյանին վարչապետ առաջադրելու պայմանավորվածությունից, նշեց, որ այս հարցը նոր իրողություն է, և ՀՀ վարչապետ Նիկոլ Փաշինյանի առաջարկի հետ կապված ԲՀԿ-ում քննարկում չի եղել և հարցը քննարկվելու է կուսակցության քաղխորհրդի նիստում:
