Իրանն այսօր՝ հունիսի 23-ին, հայտարարել է, որ Վաշինգտոնը համաձայնել է հանել Իրանի նավթի և բեռնափոխադրման բոլոր պատժամիջոցները, ինչպես նաև որոշ բարձրաստիճան անձանց՝ «սև ցուցակից», համաշխարհային տերությունների հետ Թեհրանի 2015-ի միջուկային համաձայնագիրը վերականգնելու բանակցություններում, որոնք այժմ դադարեցված են, գրում է Reuters-ը:
Հեռացող նախագահ Հասան Ռոհանիի աշխատակազմի ղեկավարի հայտարարությունները համահունչ էին Ռոհանիի պրագմատիստ ճամբարի պաշտոնյաների նախկին պնդումներին, որ Վաշինգտոնը պատրաստ է խոշոր զիջումների գնալ բանակցություններում, որոնք սկսվում են ապրիլից Վիեննայում:
«Պայմանավորվածություն է ձեռք բերվել վերացնել ապահովագրական, նավթային և բեռնափոխադրման բոլոր պատժամիջոցները, որոնք սահմանվել էին (ԱՄՆ նախկին նախագահ Դոնալդ) Թրամփի կողմից»,- Իրանի պետական լրատվամիջոցները մեջբերում են նախագահի աշխատակազմի ղեկավար Մահմուդ Վաեզիի խոսքերը:
«Համաձայնագրով Թրամփի ժամանակաշրջանի շուրջ 1 040 պատժամիջոցներ կչեղարկվեն: Նաև պայմանավորվածություն է ձեռք բերվել վերացնել որոշ պատժամիջոցներ անհատների և գերագույն առաջնորդի մերձավոր շրջապատի նկատմամբ»:
