Դատախազությունը` Նաիրի Հոխիկյանի հրապարակած տեսանյութի մասին

Օրեր առաջ ՀՅԴ «Նիկոլ Աղբալյան» ուսանողական միությունում լրագրող Նաիրի Հոխիկյանի կողմից արված հայտարարությունները, որոնք վերաբերում են արցախյան 44-օրյա պատերազմին՝ քննվում են ՀՔԾ-ում և ԱԱԾ-ում հարուցված քրեական գործերի շրջանակներում։ Տեղեկությունը հայտնեցին ՀՀ Գլխավոր դատախազությունից, նշելով որ  Նաիրի Հոխիկյանի հրապարակած ձայնագրության հիմնական մասն ուղարկվել է ՀՔԾ՝ այնտեղ քննվող ԶՈՒ ԳՇ նախկին պետ Մովսես Հակոբյանի վերաբերյալ քրեական գործի շրջանակներում քննության առարկա դարձնելու համար։

«Սույն գործի շրջանակում է քննվում նաև  Ալեքսանդր Լապշինի վերաբերյալ արած հայտարությունները»,- հայտնում են դատախազությունից և հավելում, որ Շուշիի հետ կապված Նաիրի Հոխիկյանի դիտարկումներն ուղարկվել են ԱԱԾ՝ այնտեղ քննվող քրեական գործի շրջանակներում ուսումնասիրելու համար․ «ԱԱԾ-ում քննվում է բավականին մեծ քրեական գործ՝ կապված Արցախյան պատերազմի ժամանակ հարավային ուղղությամբ թշնամու առաջխաղացման՝ Շուշիի մատույցներ հասնելու և ներսում կատարված գործողությունների վերաբերյալ»։

Իսկ  հուլիսի 18-ին հրապարակած տեսանյութի մասով, որտեղ լրագրող Հոխիկյանը ներկայացնում է մեսենջերով իր և բլոգեր Լապշինի զրույցը արցախյան պատերազմի վերաբերյալ  դատախազությունից հայտնում են, որ տեսանյութը դեռ ուսումնասիրվում է։ 

Նյութը՝ Araratnewas.am