Ռուսաստանի բնակիչներին նախազգուշացրել են Կուբանի առողջարաններում եղանակի վատթարացման մասին. Սոչիում հայտարարվել է փոթորկի նախազգուշացում, գրում է Lenta.ru-ն։ Այս մասին հաղորդվում է քաղաքի վարչակազմի կայքում:
Նշվում է, որ հինգշաբթի և ուրբաթ, հուլիսի 22-ին և 23-ին, Սոչիում սպասվում են հորդառատ անձրևներ և ամպրոպ։ Քաղաքի բնակիչները և զբոսաշրջիկները նախազգուշացվել են նաև ծովի Մագրի-Վեսելոյե հատվածում պտտահողմերի առաջացման վտանգի մասին:
Բացի այդ, անձրևաջրերի պատճառով հնարավոր է գետերի կտրուկ բարձրացում, իսկ լեռնային շրջաններում ցեխահոսքերի իջնելու վտանգ կա:
