Ինչպես հաղորդում է shantnews-ը, հայ-վրացական «Սադախլո» անցակետում վրացի մաքսավորները ՀՀ-ից Ռուսաստան մեկնող միկրոավտոբուսում հայտնաբերել են 71,63 կգ քաշով ռադիոակտիվ Թորիում 232 իզոտոպ, որը պատկանում է միջուկային նյութերի կատեգորիային:
Այս մասին տեղեկացրել է «Գրուզիա օնլայնը»` վկայակոչելով Վրաստանի պետական անվտանգության ծառայությանը: ՀՀ քաղաքացին ձերբակալվել է մաքսային կանոնների խախտման ու ռադիոակտիվ նյութերի հետ անօրինական կերպով առնչություն ունենալու համար:
Գերատեսչության տվյալներով` Վրաստանի պետական անվտանգության հակահետախուզության բաժնում դեպքի առնչությամբ հետաքննություն է սկսվել:
