Լեհաստանի վարչապետ Մատեուշ Մորավեցկին կիրակի օրը հակադարձել է Իսրայելի հնչեցրած հակասեմիտիզմի մասին մեղադրանքներին, որոնք ուղղված էին Լեհաստանում ընդունված նոր օրենքին, որով սահմանափակվում են Երկրորդ համաշխարհային պատերազմից հետո բռնագրավված գույքի նկատմամբ պահանջները
Մորավեցկին ասել է, որ Վարշավայում Իսրայելի որոշումն իր ժամանակավոր հավատարմատարին հետ կանչելու մասին «անհիմն է և անպատասխանատու»: Նա Իսրայելի կառավարությանը մեղադրել է «կուսակցական շահերի» առաջնահերթության մեջ:
«Ոչ ոք, ով գիտի ճշմարտությունը Հոլոքոստի և Երկրորդ համաշխարհային պատերազմի ընթացքում Լեհաստանի տառապանքներիմ ասին, չի կարող նման եղանակով քաղաքականություն վարել, իր Facebook-ի էջում գրառում է կատարել Լեհաստանի վարչապետը:
Մորավեցկին զգուշացրել է, որ Իսրայելի քայլը «կմեծացնի ատելությունը Լեհաստանի և լեհերի նկատմամբ» և նշել, որ Իսրայելում Լեհաստանի դեսպանի երեխաները կվերադառնան Լեհաստան:
«Եթե Իսրայելի կառավարությունը շարունակի այս կերպ հարձակում գործել Լեհաստանի դեմ, դա շատ բացասական ազդեցություն կունենամեր հարաբերությունների վրա ինչպես երկկողմ, այնպես էլ միջազգային հարթակներում», – ասել է վարչապետը:
Իսրայելի արտգործնախարար Յաիր Լափիդը այս առիթով արձագանքեց, որ «մեր հարաբերությունների վրա բացասական ազդեցությունը սկսվեց այն պահից, երբ Լեհաստանը ձեռնամուխ եղավ նման օրենքների ընդունմանը, որոնք ուղղված են Հոլոքոստի և հրեա ժողովրդի հիշողությունը վնասելուն»:
Ավելին՝ այստեղ
