Իրկուտսկում կոշտ վայրէջք է կատարել ուղևորատար ինքնաթիռը. կան զոհեր

Իրկուտսկի մարզում երեկ երեկոյան  Sila L-410 մարդատար ինքնաթիռը  կոշտ վայրէջք է կատարել տայգայում ՝ վերջնակետից չորս կիլոմետր հարավ-արևմուտք: Զոհվել է 4 մարդ՝  անձնակազմի 1 անդամ և երեք ուղևոր: Վիրավորումներ է ստացել 12 մարդ, երեքը ծանր վիճակում են:

РИА Новости-ն հայտնում է, որ Արևելյան Սիբիրի տրանսպորտային դատախազության ներկայացուցչի փոխանցմամբ, գտնվել է ինքնաթիռի սև արկղերից մեկը:

Հարուցվել է քրեական գործ ինքնաթիռի շահագործման անվտանգության կանոնների խախտման դեպքի առթիվ:

Զոհվածների ընտանիքներին կվճարվի մեկական միլիոն ռուբլի, ծանր վիճակում գտնվող վիրավորների ընտանիքներին `500 հազար, միջին ծանրության վիճակում հընվողներին` 250 հազար, իսկ թեթև վիրավորումներ ստացած ուղևորներից `100 հազարական ռուբլի փոխհատուցում:

L410- ը երկշարժիչ ինքնաթիռ է տարածաշրջանային ներքին փոխադրումների համար: Օդանավը մշակվել է չեխոսլովական Let ընկերության կողմից 1960-ականների վերջին, իսկ առևտրային շահագործումը սկսվել է 1973 թվականին: Կոնկրետ վթարված ինքնաթիռը շահագործման է հանձնվել 2014 թվականին, թռիչքից առաջ անցել է համապատասխան տեխնիկական զննում:

Sila L-410- ը  թռչում էր Իրկուտսկից Կազաչինսկոյե, սակայն վայրէջք է կատարել շրջան չհասած: TACC-ը հայտնում է, որ ինքնաթիռը վայրէջքի պահին օդում բռնկվել է, այնուհետ բախվել գետնին ու մասնատվել:

Ինքնաթիռը պատկանում է «Աերոսերվիս» ընկերությանը: Ներսում եղել է 14 ուղևոր, ինչպես նաև անձնակազմի 2 անդամ:

Վարկածներից մեկի համաձայն, ինքնաթիռի վթարման պատճառ կարող էր հանդիսանալ վատ տեսանելիությունը: