ՀՀ բարձր տեխնոլոգիական արդյունաբերության նախարարության հրավերով Հայաստանի Հանրապետությունում Ֆրանսիայի Հանրապետության արտակարգ և լիազոր դեսպան Անն Լույոնի գլխավորած պատվիրակությունը հոկտեմբերի 8-ին այցելել է «Ինժեներական քաղաք»: Պատվիրակությանն ուղեկցել է ԲՏԱ նախարարի տեղակալ Ռոբերտ Խաչատրյանը։
Այս մասին տեղեկացնում է նախարարության հասարակության հետ կապերի բաժինը;
Այցի շրջանակում նախարարի տեղակալը դեսպանին ծանոթացել է «Ինժեներական քաղաքի» հայեցակարգին, ընկերություններին, որոնք առաջարկում են նորարարական և բարձր տեխնոլոգիական լուծումներ տեղական և միջազգային շուկաների համար ինժեներական նյութերի արտադրության գործընթացին, ինչպես նաև Գիտության և տեխնիկայի թանգարանի ազգային հավաքածուին:
Բարձր գնահատելով Հայաստանի ինժեներական ոլորտում առկա մեծ ներուժը՝ Անն Լույոն պատրաստակամություն է հայտնել ֆրանսիական տեխնոլոգիական ոլորտի ընկերություններին ներկայացնել «Ինժեներական քաղաք» ծրագրի և գործունեության մասին:
