Բաքուն ազատ է արձակել ձերբակալված 2 իրանցի վարորդներին

Ադրբեջանն ազատ է արձակել Գորիս-Կապան ավտոճանապարհին շաբաթներ առաջ ձերբակալված իրանցի 2 վարորդներին:

Ադրբեջանի Պետական մաքսային կոմիտեն այս մասին հաղորդագրություն է  տարածել՝ նշելով, որ ձերբակալված Իրանի քաղաքացիներ Բարզեգար Հախի Ջաֆար Գազանֆարը և Նորուզի Շահրուդ Հեյդարը այսօր առավոտյան վերադարձվել են հայրենիք:

Ըստ մաքսային պետական կոմիտեի, «այս քայլը հիմնված է հումանիզմի սկզբունքների վրա և ադրբեջանական կողմի բարի կամքի դրսևորում է»:

Հիշեցնենք, հենց 2 վարորդների ձերբակալության փաստն էր պատճառ դարձել Իրան-Ադրբեջան հարաբերությունների լարվածության:

2 վարորդներն իրանական բեռնատարներով վառելիք էին տեղափոխում  դեպի Ստեփանակերտ:

Այս միջադեպից մեկ օր անց հայնի դարձավ, որ  Ադրբեջանի իշխանությունները հրահանգել են դադարեցնել Ստեփանակերտ ուղևորվող իրանական բեռնատարների մուտքը և յուրաքանչյուր վարորդից պահանջել ավելի քան 100 դոլարի հարկ ու տուրք փոխադրման համար: