Սահմռկեցուցիչ ձևով անտառ կտրելը նույնիսկ վանդալիզմ չէ, մարդասպանություն է. Հայկ Չոբանյան

Նախորդ տարիների ընթացքում մենք հատել ենք տարեկան մինչև 1 մլն խորանարդ մետր ծառ: Այս մասին լրագրողների ասաց Տավուշի մարզպետ Հայկ Չոբանյանը` անդրադառնալով Իջևանում տեղի ունեցած իրադարձություններին: Ըստ Չոբանյանի՝ դրանից 100.000-ն է եղել օրինական:

«Անտառհատման 90 տոկոսը եղել է ոչ թե անտառհատում, այլ՝ անտառոչնչացում»,- ասաց մարզպետը:

Խոսելով այն մասին, թե կա՞ն անձինք, ովքեր ընդունել են իշխանության առաջարկը աշխատել թափուր հաստիքներում, Չոբանյանը պատասխանեց, որ նման դեպքեր կան, ապա նշեց, որ 1000 քաղաքացիների հնարավորություն են տալիս աշխատել: Նա նշեց, որ առաջարկներն սկսվում են ամսական 105.000 դրամից, 120.000 դրամից սկսած կա տեքստիլի ոլորտում աշխատանք, 168 աշխատատեղ կա դպրոցներում:
Ավելին՝ tert.am