Շոկոլադն ավելի առողջարար է, քան համբույրը

Իսկ դուք գիտեի՞ք, որ շոկոլադն ավելի առողջարար է, քան համբույրը, այն օգնում է ձեր առողջությանը և ժամանակին այն եղել է արժույթ: Ահա մի քանի հետաքրքիր փաստ բոլորիս սիրելի քաղցրավենիքի մասին:

Ըստ Mars ընկերության տվյալների որոշ զինվորականներ 18-րդ դարում որպես ծառայության վճար շոկոլադ են ստացել։ BBC-ն փորձ է անցկացրել՝ ցուցահանդեսի այցելուներին խնդրել են իրենց մասին պատմել գաղտնի տեղեկություններ՝ ծննդյան տարեթիվ, մոր օրիորդական ազգանուն և այլ տվյալներ, որոնք բավարար կլինեն իրենց սոցիալական ցանցերը կոտրելու համար։ Դրա դիմաց նրանք շոկոլադե սալիկ են առաջարկել։ Փորձի մասնակիցների 79%-ը համաձայնել է պատմել իր մասին։

Գիտնականները պարզել են, որ շոկոլադն ավելի լավ է խթանում ուղեղը և օգնում է ավելի շատ էնդորֆին արտադրել, քան համբուրվելը, գրում է BBC-ն։ Սա պարզել են ԱՄՆ Սննդի և առողջության գիտությունների դեպարտամենտի գիտնականները։ Կակաոն օգնում է ավելի արագ վերականգնվել սպորտից հետո՝ շնորհիվ ըմպելիքի բարձր սպիտակուցների և ածխաջրերի պարունակության:

Մուգ շոկոլադն օգտակար է սրտի առողջության համար։ Այն նվազեցնում է արյան ճնշումը հակաօքսիդանտների բարձր մակարդակի պատճառով: Օրական 100 գ շոկոլադի օգտագործումը զգալիորեն նվազեցնում է սրտի հիվանդությունների առաջացման վտանգը։ Ծառի գիտական ​​անվանումը, որի վրա աճում են կակաոյի հատիկները, «Աստվածների սնունդ» է։ Գիտնական Կարլ Լիննեուսը շոկոլադի սիրահար էր, ուստի 1753 թվականին կակաոյի ծառը կոչվեց «Աստվածների սնունդ»:

Սպիտակ շոկոլադն ամենևին էլ շոկոլադ չէ Սպիտակ շոկոլադը պարունակում է կակաոյի յուղ, բայց ոչ կակաոյի փոշի: Այդ յուղն այնքան էլ համեղ չէ, ուստի դրան ավելացնում են կաթնային ճարպ, վանիլ և շաքար։ Շոկոլադը պարունակում է ավելի քան 600 անուշաբույր միացություններ, ըստ Ամերիկյան քիմիական ընկերության: Օրինակ՝ կարմիր գինու մեջ դրանք ընդամենը մոտ 200-ն են։ 10 շոկոլադե սալիկ արտադրելու համար մեկ ծառից պահանջվում է տարեկան լոբի բերք։

Հեղինակ՝ Գրիգ Հակոբյան