PAUL-ի առաջին Հայաստանյան սրճարանը կբացվի 2022-ին

PAUL-ի առաջին Հայաստանյան սրճարանը կբացվի 2022-ին, որ բոլորիս պատմի իսկական փխրուն կրուասանի մասին։

PAUL-ը «Գալաքսի» ընկերությունների խմբի կազմում է հանդես գալու։ «Գալաքսի» ընկերությունների խումբն առաջիկա մի քանի տարում PAUL-ի անվանական հացաբուլկեղենի 5 սրճարան-ռեստորան կբացի Հայաստանում։ Առաջին PAUL-ը որոշակի պահանջներ ունի, որովհետև հենց այնտեղ պետք է լինի «գործարանը», որը թե չափով, թե լոգիստիկ առումով պիտի որոշակի պահանջների բավարարի:

PAUL-ի առաջին հացաբուլկեղենի խանութը բացվել է Ֆրանսիայի Լիլ քաղաքում 1889թ.-ին, այդ ժամանակվանից այն նվաճել է ավելի քան 40 երկիր և գործում է Մեծ Բրիտանիայում ԱՄՆ-ում Բելգիայում Ռուսաստանում, Ճապոնիայում և այլ երկրներում:

Աշխարհի ավելի քան 500 հացաբուլկեղեն փռեր ամեն առավոտ թխում են ամենաթարմ կրուասանները բագետներն ու էկլերները։ PAUL-ի հաջողությունն ու ժողովրդականությունը պայմանավորված է բաղադրիչների կայուն որակով և գաղտնի ընտանեկան բաղադրատոմսով։

Ավելի քան 120 տարվա պատմության ընթացքում ապրանքանիշի ոճը՝ նույն ճանաչելի սև և սպիտակ սալիկները շարունակում են մնալ PAUL-ի բնորոշ նշանը։ Այսօր հացաբուլկեղենի տեսականին ներառում է ավելի քան 140 տեսակի հաց, ինչպես նաև ֆրանսիական ավանդական կրուասաններ սենդվիչներ տորթեր էկլեր և մակարոններ։

Գրիգ Հակոբյան