ԱԽ նախագահ Արմեն Գրիգորյանը տեղեկացրել է. Հոկտեմբերի 29-ին Մալթայում հանդիպել եմ Հունաստանի վարչապետի ազգային անվտանգության հարցերով խորհրդական Աթհանասիոս Նտոկոսին:  Քննարկել ենք միջազգային և տարածաշրջանային անվտանգային իրավիճակը, ինչի շրջանակներում ներկայացրել եմ մեր տարածաշրջանում առկա անվտանգային մարտահրավերները և ընդգծել դրանց հանգուցալուծմանն ուղղված ՀՀ ջանքերը: Զրուցակցիս հետ անդրադարձել ենք կատարել նաև անվտագության ոլորտում երկկողմ համագործակցության հնարավորություններին:

Ազգային ժողովի «Քաղաքացիական պայմանագիր» խմբակցության պատգամավոր Հայկ Սարգսյանը ֆեյսբուքյան իր էջում գրել է. «Սիրելի՛ հայրենակիցներ, շրջանառության մեջ եմ դրել օրենքի նախագիծ, որը հնարավորություն կտա 27 տարին լրացած, սակայն պարտադիր զինվորական ծառայություն չանցած քաղաքացիներին ազատվել գործող օրենսդրությամբ սահմանված քրեական պատասխանատվությունից։ Նրանք այդ հնարավորությունը կունենան զինվորական ծառայության անցնելու կամ կրճատված ժամկետով ծառայության և ՀՀ պետական բյուջե համապատասխան […]

Հոկտեմբերի 29-ին ՀՀ պաշտպանության նախարար Սուրեն Պապիկյանի գլխավորած պատվիրակությունն աշխատանքային այցով մեկնել է Չինաստանի Ժողովրդական Հանրապետություն: Այս մասին հայտնում է ՀՀ ՊՆ-ն:

Գազայի հատվածում «ՀԱՄԱՍ»-ի և Իսրայելի պատերազմի ընթացքում զոհվել է առնվազն 8 հազար մարդ,  հայտնել է տեղի առողջապահության նախարարությունը: Զոհվածների կեսը երեխաներ են։   Առողջապահության նախարարությունը չի հստակեցրել տուժածների թիվը, հոկտեմբերի 28-ի դրությամբ այն կազմել էր 19,7 հազար մարդ: Իսրայելում հակամարտության սկզբից ի վեր զոհվել է 1,4 հազար մարդ, վիրավորվել ՝ 5,4 հազարը: 

Հայաստանի տարածքում հոկտեմբերի 29-ի ցերեկը, 30-31-ին, նոյեմբերի 1-3-ին սպասվում է առանց տեղումների եղանակ, հայտնում է ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնը։ «Քամին՝  հարավարևմտյան 2-5 մ/վրկ արագությամբ: Օդի ջերմաստիճանն էապես չի փոխվի»,- ասվում է հաղորդագրության մեջ։ 

Պաղեստինցի փախստականների օգնության և աշխատանքների կազմակերպման ՄԱԿ-ի գործակալությունը հայտնել է, որ հազարավոր մարդիկ ներխուժել են Գազայի հատվածում գտնվող ՄԱԿ-ի պահեստներ և բաշխիչ կենտրոններ՝ վերցնելով ալյուր և առաջին անհրաժեշտության այլ պարագաներ: «Հազարավոր մարդիկ ներխուժել են Գազայի հատվածի կենտրոնական և հարավային շրջաններում գտնվող մի քանի պահեստներ եւ բաշխիչ կենտրոններ՝ վերցնելով ցորենի ալյուր և առաջին անհրաժեշտության այլ պարագաներ, […]

Գազայի հատվածում հեռախոսային և ինտերնետ կապն աստիճանաբար վերականգնվում է, հայտնել է Netblocks ընկերությունը: Գազայում աշխատող որոշ լրագրողներ հայտնել են նաև, որ կարողացել են հեռախոսազանգեր կատարել և մուտք գործել սոցիալական ցանցեր: