Ռուսական լրատվամիջոցները հաղորդում են, որ Մոսկվայի կենտրոնում ձերբակալվել է «Օլեյնա» բրենդի սեփականատեր, գործարար, Արթուր Վանեցյանի եղբայր Կարեն Վանեցյանը: Հայաստանում նրա նկատմամբ հանրային քրեական հետապնդում է հարուցված փողերի լվացման մեղադրանքով:

Եվրոպական միության խորհուրդը կրկին կես տարով երկարաձգել է Ռուսաստանի նկատմամբ սահմանված պատժամիջոցները` Ուկրաինան ապակայունացնելու գործողությունների համար: Նոր ժամկետը կսկսի գործել փետրվարի 1-ից մինչև հուլիսի 31-ը: Եվրոպական միությունը Ռուսաստանի Դաշնության նկատմամբ տնտեսական պատժամիջոցներ է սկսել սահմանել 2014 թվականի հուլիսի 31-ից։ Ընդհանուր առմամբ, ԵՄ-ը տնտեսական պատժամիջոցների 12 փաթեթ է ներկայացրել Ռուսաստանի դեմ։

Ռուսաստանի նախագահ Վլադիմիր Պուտինը չի մասնակցելու նախընտրական բանավեճերին, լրագրողներին տեղեկացրել է ՌԴ նախագահի մամուլի քարտուղար Դմիտրի Պեսկովը։ «Նախագահը չի մասնակցելու նախընտրական բանավեճերին», – Կրեմլի ներկայացուցչի խոսքն է մեջբերել «Ինտերֆաքս»-ը։ Ռուսաստանի Դաշնությունում նախագահական ընտրություններն ընթանալու են երեք օր՝ այս տարվա մարտի 15-ից մինչև 17-ը։

Վրաստանի վարչապետ Իրակլի Ղարիբաշվիլին ասուլիս է տվել ու հայտնել իր հրաժարականի մասին։ Իրակլի Ղարիբաշվիլին առաջին անգամ վարչապետի պաշտոնը զբաղեցրել է 2013-2015 թվականներին: 2015 թվականի դեկտեմբերի 30-ին հրաժարական է տվել և 2019 թվականին վերադարձել կառավարություն՝ որպես պաշտպանության նախարար։ Երկու տարի անց՝ 2021 թվականի փետրվարին, Վրաստանի խորհրդարանը նրան ընտրել է վարչապետ։  «Իրակլի Կոբախիձեն կներկայացվի կառավարության ղեկավարի պաշտոնին, […]

Այսօր` հունվարի 29-ին, կայացել է ՀՀ ԱԳ նախարար Արարատ Միրզոյանի հանդիպումը ԻԻՀ Գերագույն առաջնորդի խորհրդական, արտաքին հարաբերությունների ռազմավարական խորհրդի ղեկավար Քամալ Խարազիի հետ: Զրուցակիցները քննարկել են հայ-իրանական բազմաոլորտ համագործակցության օրակարգին առնչվող տարբեր հարցեր՝ արձանագրելով երկու երկրների միջև քաղաքական երկխոսության բարձր մակարդակն ու հարաբերությունների զարգացման ակտիվ դինամիկան: Ընդգծվել է այդ նպատակով երկու երկրների միջև էներգետիկ, ենթակառուցվածքների, […]

«Վրացական երազանք-ժողովրդավարական Վրաստան» իշխող կուսակցության ներկայիս նախագահ Իրակլի Կոբախիձեն կուսակցության առաջիկա համագումարում կառաջադրվի վարչապետի պաշտոնում, իսկ Վրաստանի գործող վարչապետ Իրակլի Ղարիբաշվիլին կզբաղեցնի կուսակցության նախագահի պաշտոնը, տեղեկացնում է «Արմենպրես»-ը` վկայակոչելով Sputnik գործակալության վրացական ծառայությունը: Ըստ այդ հաղորդման` «Իմեդի» հեռուստաալիքը հայտնել է, որ հունվարի 24-ին տեղի է ունեցել «Վրացական երազանք» կուսակցության քաղխորհրդի նիստը։ Նիստում որոշում է ընդունվել […]

Հայաստանում ՌԴ դեսպանատունը շնորհավորական ուղերձ է հղել ՀՀ ԶՈՒ  32-րդ տարեդարձի առիթով. «Շնորհավորում ենք Հայաստանի Հանրապետության բոլոր զինծառայողներին և քաղաքացիներին Բանակի օրվա կապակցությամբ: Զինակից եղբայրությունը դարեր շարունակ ամրացրել է սերտ կապերը ռուս և հայ ժողովուրդների միջև և այսօր ծառայում է որպես մեր երկրների անվտանգության և ինքնիշխանության ապահովման կարևոր գործոն: