Թուրքիայի արտաքին գործերի նախարար Հաքան Ֆիդանը Մոսկվայում բանակցություններ է վարել ՌԴ անվտանգության խորհրդի քարտուղար Սերգեյ Շոյգուի հետ, հայտնել է Թուրքիայի ԱԳՆ-ն։ «Նախարար Հաքան Ֆիդանը Մոսկվայում հանդիպել է ՌԴ անվտանգության խորհրդի քարտուղար Սերգեյ Շոյգուի հետ»,- հաղորդել են գերատեսչությունից։ Շոյգուն առաջարկել է այս տարվա երրորդ եռամսյակում անվտանգության հարցերի շուրջ լայնածավալ երկկողմ խորհրդակցություններ անցկացնել Մոսկվայում կամ Անկարայում։

Ռուսաստանի վարչապետ Միխայիլ Միշուստինը հեռախոսազրույց է ունեցել Ադրբեջանի վարչապետ Ալի Ասադովի հետ։  Կառավարությունների ղեկավարները քննարկել են առևտրատնտեսական համագործակցության ընթացիկ հարցեր։ Առանձնահատուկ ուշադրություն է դարձվել փոխադարձ հետաքրքրություն ներկայացնող տարբեր ոլորտներում համատեղ խոշոր նախագծերի իրականացմանը։

Թուրքիայի արտգործնախարար Հաքան Ֆիդանը հեռախոսազրույց է ունեցել Ադրբեջանի արտգործնախարար Ջեյհուն Բայրամովի հետ։ Զրույցի ընթացքում քննարկվել են երկկողմ և տարածաշրջանային հարցեր։ Ի դեպ, այսօր Ալիևը, Էրդողանի հրավերով, ժամանել է Թուրքիա։

Թուրքիայի արտաքին գործերի նախարարությունից հայտնել են, որ այդ գերատեսչության ղեկավարը օրերս մեկնելու է Ռուսաստան։ Ըստ հաղորդագրության` Հաքան Ֆիդանը մի շարք երկկողմ հանդիպումներ կանցկացնի Մոսկվայում, ինչպես նաև կմասնակցի BRICS+ հանդիպմանը, որը կկայանա հունիսի 11-ին Նիժնի Նովգորոդում՝ BRICS-ի արտգործնախարարների հանդիպման շրջանակում։

Իրանի ընտրական շտաբը հրապարակել է Սահմանադրության պաշտպանության խորհրդի հաստատած նախագահի թեկնածուների վերջնական ցուցակը, հայտնում է IRNA-ն։ Իրանի Ընտրական շտաբի խոսնակ Մոհսեն Էսլամին հայտնել է 14-րդ նախագահական ընտրություններին առաջադրված թեկնածուների անունները։ Թեկնածուներն են՝ Ալիռեզա Զաքանին, Սայիդ Ջալիլին, Ամիր Հոսեյն Ղազիզադե Հաշիմին, Մուստաֆա Փուրմոհամմադին, Մոհամմադ Բաղեր Ղալիբաֆը և Մասուդ Փեզեշքիանը։  Հունիսի 28-ին Իրանում տեղի կունենա նախագահի արտահերթ ընտրություն։

«Հարավկովկասյան երկաթուղիներ» ընկերությունից հայտնում են, որ Լոռու մարզում տեղի ունեցած ջրհեղեղի հետևանքների վերացման գործում «Հարավկովկասյան երկաթուղի» ընկերությանը ակտիվ աջակցություն են ցուցաբերում Ռուսաստանի և Վրաստանի երկաթուղայինները։ ««Ռուսական երկաթուղիների» ղեկավարության անունից ՀԿԵ-ին օգնության են ուղարկվել տարբեր պրոֆիլի 35 մասնագետներ և ղեկավարներ՝ ուղու ինժեներներ, գեոդեզիստներ, տեխնիկայի մեքենավարներ: Նրանք ներգրավված են ենթակառուցվածքի ավերված ամենախնդրահարույց հատվածներում և նախաձեռնողական կարգով ղեկավարում են […]

Ադրբեջանի պաշտպանության նախարարությունը հայտնել է, որ Ադրբեջանն ու Ղազախստանն ստորագրել են ռազմական ոլորտում համագործակցության միջկառավարական փաստաթուղթ։։ Ըստ մամուլի ծառայության տեղեկատվության՝ փաստաթուղթն ստորագրվել է երկու երկրների պաշտպանության նախարարներ Զաքիր Հասանովի և Ադրբեջան ժամանած Ռուսլան Ժակսիլիկովի բանակցությունների արդյունքներով: Ժակսիլիկովն ադրբեջանցի պաշտոնակցին հրավիրել է դիտարկելու «Բիռլեստիկ-2024» օպերատիվ-մարտավարական հրամանատարաշտաբային զորավարժությունները, որոնք կանցկացվեն հուլիսին Ակտաուում։ Զորավարժություններին կմասնակցեն Ադրբեջանի, Ղազախստանի, Ղրղզստանի, […]