Ադրբեջանի վերահսկողության տակ գտնվող Քարվաճարի շրջանում ավտովթարի հետևանքով մեկ զինծառայող մահացել է, ևս չորսը վիրավորվել։ «Արմենպրես»-ի հաղորդմամբ՝ այս տեղեկությունը հայտնել են ադրբեջանական լրատվամիջոցները։ Ըստ տեղեկությունների ՝ միջադեպի հետևանքով վնասվածքներ ստացած և մոտակա ռազմաբժշկական հաստատություն տարհանված մյուս զինծառայողները գտնվում են բժիշկների հսկողության տակ: Նշվում է, որ ծառայությունից դուրս տեղի ունեցած ավտովթարի փաստով քննություն է տարվում:

Մոսկվայում կայացել են ՌԴ փոխվարչապետ Անդրեյ Բելոուսովի և Ադրբեջանի փոխվարչապետ Շահին Մուստաֆաևի բանակցությունները տրանսպորտային ոլորտում ռուս-ադրբեջանական համագործակցության զարգացման հեռանկարների շուրջ, հաղորդել են ՌԴ կառավարությունից։ Ի կատարումն Վլադիմիր Պուտինի և Իլհամ Ալիևի՝ 2024 թվականի ապրիլի 22-ին Մոսկվայում կայացած հանդիպման ժամանակ ձեռք բերված պայմանավորվածությունների՝ քննարկվել են «Հյուսիս-Հարավ» միջազգային տրանսպորտային միջանցքի շրջանակներում երկաթուղային ենթակառուցվածքի արդիականացման առաջնահերթ խնդիրները։ Բելոուսովը […]

«Մենք բարձր ենք գնահատում Լեհաստանի, որպես Եվրամիության անդամի և «Արևելյան գործընկերություն» ծրագրի նախաձեռնողի, դիրքորոշումը, որը ծառայում է ԵՄ քաղաքականության ձևավորմանը և առաջ է մղում տարածաշրջանային համագործակցությունը, որն ընդգրկում է ողջ Հարավային Կովկասը»․ ասել է Ադրբեջանի նախագահ Իլհամ Ալիևի շնորհավորական ուղերձում՝ ուղղված Լեհաստանի նախագահ Անջեյ Դուդային այդ երկրի Սահմանադրության օրվա առթիվ:

Մայիսի 2-ին Ադրբեջանի արտաքին գործերի նախարար Ջեյհուն Բայրամովը հանդիպել է Ռուսաստանի նախագահի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյի հետ, որը Բաքվում մասնակցում է միջմշակութային երկխոսության 6-րդ համաշխարհային համաժողովին: Հանդիպմանը քննարկվել են Ադրբեջանի և Ռուսաստանի միջև երկկողմ և բազմակողմ համագործակցության հարցեր, COP29-ի նախապատրաստական աշխատանքները, ինչպես նաև տարածաշրջանում առկա իրավիճակը:

Ադրբեջանը, Ուզբեկստանը և Ղազախստանը ստորագրել են երեք երկրների էներգահամակարգերի միավորման վերաբերյալ համագործակցության հուշագիր: Փաստաթուղթը ստորագրվել է մայիսի 1-ին՝ Տաշքենդում, երեք երկրների էկոնոմիկայի եւ էներգետիկայի նախարարների հանդիպման արդյունքներով: Այս տեղեկությունը սոցցանցում հայտնել է Ադրբեջանի էկոնոմիկայի նախարար Միխայիլ Ջաբարովը:

Իրանի մաքսային ծառայությունը լիովին պատրաստ է առևտրի ընդլայնմանն Իրաքի հետ։ IRNA–ն հայտնել է, որ դրա մասին հայտարարել է Իրանի Իսլամական Հանրապետության մաքսային վարչության ղեկավար Մոհամմադ Ռեզվանիֆարը: Իր իրաքցի գործընկերոջ հետ հանդիպման ժամանակ Իրանը պատրաստ է ընդլայնել առևտուրն Իրաքի հետՄոհամմադ Ռեզվանիֆարն ընդգծել է Իրանի և Իրաքի միջև առևտրային կապերի ընդլայնման կարևորությունը։ Իրանական կողմը պատրաստակամություն է հայտնել […]

Թուրքիայի ոստիկանությունը արցունքաբեր գազ և ջրցան մեքենաներ է կիրառել Ստամբուլում մայիսմեկյան ցույցերը ցրելու համար, մի քանի մարդ վիրավորվել է, մի քանիսը` ձերբակալվել, հաղորդել է CNN Turk-ը։ Նախօրեին իշխանությունները հերթական անգամ արգելել են մայիսմեկյան ցույցը Ստամբուլի Թաքսիմ հրապարակում՝ թույլ տալով այն անցկացնել քաղաքի այլ վայրերում։ Արգելքը կապված է 1977 թվականի իրադարձությունների հետ, երբ Թաքսիմում մայիսմեկյան ցույցն […]