Գերմանիայի կանցլեր Օլաֆ Շոլցը չի կարծում, որ Ուկրաինայի համար ՌԴ տարածքում ռազմական թիրախներին ԳԴՀ-ից մատակարարվող զենքով հարվածելու հնարավորությունը էսկալացիայի կհանգեցնի: «Ինչպես ասել է ԱՄՆ նախագահը, խոսքը միայն խոշոր քաղաքի, օրինակ, Խարկովի պաշտպանության հնարավորության մասին է», – հայտարարել է նա։

ԱՄՆ նախագահ Ջո Բայդենը չի մասնակցի Ուկրաինային նվիրված խաղաղության գագաթնաժողովին, հայտնում է Սպիտակ տան մամուլի ծառայությունը։ Շվեյցարիա կմեկնեն ԱՄՆ փոխնախագահ Քամալա Հարիսը և Բայդենի ազգային անվտանգության հարցերով խորհրդական Ջեյք Սալիվանը։

Հնդկաստանում համընդհանուր խորհրդարանական ընտրություններում քվեարկել է 642 մլն ընտրող, ինչը համընդհանուր խորհրդարանական ընտրությունների համաշխարհային ռեկորդ է: Այդ մասին հայտարարել է երկրի ընտրական հանձնաժողովի ղեկավար Ռաջիվ Կումարը։ «Հնդկաստանը համաշխարհային ռեկորդ է սահմանել․ խորհրդարանի ստորին պալատի ընտրություններին այս տարի մասնակցել է 642 մլն ընտրող, այդ թվում՝ 312 մլն կին», – ասել է Կումարը:

Բրիտանական MI6 հետախուզությունը հավաքագրել է Չինաստանի կենտրոնական պետական մարմինների երկու աշխատակցի: Այդ մասին հայտարարել է Չինաստանի պետական անվտանգության նախարարությունը: Լրտեսներ են ճանաչվել Չինաստանի քաղաքացին և նրա կինը, փոխանցում է Reuters-ը։

«Մոսկվան Վաշինգտոնին զգուշացնում է հեռու մնալ չմտածված քայլերից, որոնց հետևանքները կարող են ճակատագրական լինել»,- այս մասին հայտարարել է ՌԴ փոխարտգործնախարար Սերգեյ Ռյաբկովը՝ մեկնաբանելով ամերիկյան զենքով ՌԴ-ին հարվածներ հասցնելու թույլտվությունը Կիևին: «Կցանկանայի ամերիկացի գործիչներին զգուշացնել հեռու մնալ սխալ հաշվարկներ անելուց, որոնք կարող են ճակատագրական հետևանքներ ունենալ։ Նրանք անհասկանալի պատճառով թերագնահատում են այն հակահարվածի լրջությունը, որը կարող […]

Իրանի արտաքին գործերի նախարարի պաշտոնակատար Ալի Բաղերի Քանին հեռախոսազրույց է ունեցել Թուրքիայի արտգործնախարար Հաքան Ֆիդանի հետ։ Իսլամական Հանրապետության արտաքին քաղաքական գերատեսչության տվյալով՝ Բաղերի Քանին երախտագիտություն է հայտնել Իրանի նախագահի և նրան ուղեկցող պատվիրակության մահվան կապակցությամբ թուրք բարձրաստիճան պաշտոնյաների կարեկցանքի ու ցավակցական ուղերձների, ինչպես նաև Թուրքիայում սուգ հայտարարելու համար։ Նշվում է, որ հեռախոսազրույցի ընթացքում կողմերը քննարկել […]

Մեքսիկայում տեղի ունեցած նախագահական ընտրություններում հաղթող է ճանաչվել Կլաուդիա Շեյնբաումը։ Այս մասին հաղորդում է Reuters գործակալությունը՝ վկայակոչելով Ազգային ընտրական ինստիտուտի հրապարակած նախնական տվյալները։ Շեյնբաումը դարձել է առաջին կինը, որը կգլխավորի Մեքսիկայի կառավարությունը։ Նա ներկայացնում էր երկրում իշխող «Մորենա» ձախ կուսակցությունը։ Նրա դեմ պայքարում էր մեկ այլ կին թեկնածու՝ Սոչիտլ Գալվեսը՝ ընդդիմադիր կուսակցությունների դաշինքից։