Ֆրանսիայի նախագահ Էմանուել Մակրոնը չի բացառել արևմտյան զորքերի ուղարկումը Ուկրաինա։ Ըստ Մակրոնի՝ եվրոպացի առաջնորդները քննարկել են այդ հեռանկարը: «Այսօր երեկոյան ոչ մի պայմանավորվածություն չի եղել պաշտոնապես զորքերի ուղարկման, բայց մենք ոչինչ չենք կարող բացառել», – ասել է նա լրագրողներին: Ուկրաինային օգնության համաժողովին մասնակցել են Եվրամիության 27 անդամ երկրի ներկայացուցիչ, այդ թվում՝ 21 պետությունների և կառավարությունների […]

Ռուսաստանի Դաշնության արտաքին գործերի նախարար Սերգեյ Լավրովը և Չինաստանի փոխարտգործնախարար Սուն Վեյդոնգը Մոսկվայում կայացած հանդիպման ժամանակ քննարկել են ուկրաինական ճգնաժամը և իրավիճակը Կորեական թերակղզում, հաղորդել է ՌԴ ԱԳՆ-ն։ «Քննարկվել են մի շարք թեժ թեմաներ, այդ թվում՝ ուկրաինական ճգնաժամը և իրավիճակը Կորեական թերակղզում»,- ասված է գերատեսչության  հաղորդագրության մեջ։

ՀՀ նախագահ Վահագն Խաչատուրյանը փետրվարի 26-ից 29-ը՝ իրաքյան կողմի հրավերով, պաշտոնական այցով գտնվելու է Իրաքի Հանրապետությունում: Այցի ընթացքում նախագահը հանդիպումներ կունենա Իրաքի նախագահի և երկրի բարձր ղեկավարության ներկայացուցիչների հետ: Նախատեսված են Վահագն Խաչատուրյանի դասախոսությունը Բաղդադի համալսարանում և հանդիպումը տեղի հայկական համայնքի ներկայացուցիչների հետ:

Ուկրաինայի արտաքին գործերի նախարար Դմիտրի Կուլեբան առաջարկել է արգելել եվրոպական երկրներից զինամթերքի արտահանումն այլ երկրներ, բացի Ուկրաինայից։ Հայտարարությունը հնչել է ուկրաինական բանակի համար զինամթերքի պակասի ֆոնին: «Եվրոպայում արտադրված զինամթերքի՝ երրորդ երկրներ արտահանման բոլոր պայմանագրերը պետք է կասեցվեն, և այդ ամբողջ զինամթերքը պետք է ուղարկվի Ուկրաինա: Եվրոպայում արտադրված յուրաքանչյուր պարկուճ պետք է ծառայի Եվրոպայի պաշտպանության նպատակին»,- […]

IRNA գործակալությանը տված բացառիկ հարցազրույցում Հունգարիայի արտաքին գործերի և առևտրի նախարար Պետեր Սիյարտոն ասել է, որ իր երկիրը կարող է Իրանի համար ծառայել որպես «առևտրային դարպաս» դեպի Եվրոպա։ Նախարարն անդրադարձել է նաև երկու երկրների տնտեսական հարաբերություններին` շեշտելով, որ Բուդապեշտը և Թեհրանը վերջին տարիներին շարունակել են իրենց տնտեսական հարաբերությունները՝ չնայած Իրանի նկատմամբ ամերիկյան պատժամիջոցների հարուցած մարտահրավերներին։ […]

Պաղեստինի վարչապետ Մուհամեդ Շտայեն Պաղեստինի ազգային վարչակազմի ղեկավար Մահմուդ Աբասին կառավարության հրաժարականի խնդրագիր է ներկայացրել։  Նա ընդգծել է, որ իր գործունեության ընթացքում իր ղեկավարած կաբինետը «կարողացել է հավասարակշռություն ապահովել քաղաքացիների պահանջների և Պաղեստինի ժողովրդի իրավունքների պաշտպանության միջև», չնայած այն մարտահրավերներին, որոնց նա ստիպված է եղել դիմակայել Գազայում էսկալացիայի նոր փուլի ֆոնին։ 

Հնդկաստանի նախարարների կաբինետի Անվտանգության հարցերով կոմիտեն հավանություն է տվել  ավելի քան 11 միլիարդ դոլար գումարի չափով մի քանի գործարքների՝ ուղղված երկրի զինված ուժերի սպառազինության արդիականացմանն ու համալրմանը, ըստ «Արմենպրես»-ի հաղորդել է ՏԱՍՍ-ը` վկայակոչելով The Economic Times թերթը: Ըստ աղբյուրի՝ այդ գործարքների թվում է, մասնավորապես, BrahMos Aerospace-ի հետ կնքված պայմանագիրը ռազմածովային ուժերին ավելի քան 200 մեծ […]