Փարիզի Օլիմպիական խաղերի փոխչեմպիոն, մարմնամարզիկ Արթուր Դավթյանը «Ֆեյսբուքի» իր էջում գրել է. «Ցավոք սրտի, էլի քիչ տարբերություն։ Նվաճեցի արծաթե մեդալ, շատ երկար ու դժվար ճանապարհ անցանք այս մեդալը նվաճելու համար, բայց չեմ հանձնվելու ու կպատրաստվեմ մյուս Օլիմպիական խաղերին, որ ոսկե մեդալով վերադառնամ իմ հայրենիք։ Շնորհակալ եմ իմ մարզիչներին, որ իմ կողքին կանգնած են»։

Բանգլադեշի վարչապետ Շեյխ Հասինան ռազմական ուղղաթիռով մեկնել է Հնդկաստան, երբ Բանգլադեշում ցուցարարները, ըստ տեղեկությունների, գրոհել են նրա պաշտոնական նստավայրը: Շաբաթներ տևած բողոքի ցույցերի ընթացքում գրեթե 300 մարդ է զոհվել: 76-ամյա վարչապետ Շեյխ Հասինայի հրաժարականի մասին հաղորդումները հաստատել են բանակը, ինչպես նաև Բանգլադեշի բարձրագույն հանձնախմբի պաշտոնյաները Դելիում:

Թուրքիայի արտգործնախարար Հաքան Ֆիդանը այցով Եգիպտոսում է։ Այս մասին հայտնում է Թուրքիայի ԱԳՆ-ն։ Նշվում է, որ նա հանդիպել է երկրի նախագահ Աբդուլ Ֆաթահ աս Սիսիի հետ։ 

Իրանը դեմ է տարածաշրջանում հակամարտություն հրահրելուն, սակայն իսրայելական կողմը պետք է պատասխան տա իր արածի համար։ Այս մասին լրագրողների հետ զրույցում հայտարարել է Իրանի ԱԳՆ խոսնակ Նասեր Քենանին։ Միաժամանակ նա նշել է, որ իր երկիրը հեռու է Մերձավոր Արևելքում լարվածության սրման մտադրությունից։

Վենեսուելայի նախագահական ընտրություններում ձայների հաշվարկի պաշտոնական արդյունքները, որոնք հրապարակվել են երկրի ընտրական խորհրդի կողմից, չեն կարող հավաստի ճանաչվել․ այսպիսին է Եվրամիության դիրքորոշումը։ Համապատասխան հայտարարությունը ԵՄ արտաքին գործերի գերագույն ներկայացուցիչ Ժոզեպ Բորելի անունից հրապարակվել է Եվրոխորհրդի կայքում։ Հայտարարության մեջ նշվում է, որ միջազգային դիտորդները հստակ մատնանշել են Վենեսուելայում քվեարկության կազմակերպման անհամապատասխանությունները միջազգային չափանիշներին։ Վենեսուելայի ընտրական հանձնաժողովը […]

ԱՆ հիվանդությունների վերահսկման և կանխարգելման ազգային կենտրոնը ներկայացրել է կարմրուկով պայմանավորված իրավիճակը Հայաստանում: 2024-ին հաստատվել է կարմրուկով վարակման 543 դեպք, որոնցից 325-ը՝ երեխա, 218-ը՝ մեծահասակ: 2 մարդ հոսպիտալացված է: Նշենք, որ 2023թ. ամբողջ տարվա ընթացքում արձանագրվել է 545 դեպք։

Օգոստոսի 14-ից 16-ը Նովոսիբիրսկում կացկացվեն Հավաքական անվտանգության պայմանագրի կազմակերպության (ՀԱՊԿ) «Կոբալտ-2024» զորավարժությունները՝ Ռոսգվարդիայի ղեկավարությամբ։ Այս մասին ՏԱՍՍ-ին հայտնել է Ռոսգվարդիայի մամուլի ծառայությունը։  Հայաստանը զորավարժություններին չի մասնակցի: Գերատեսչությունում նշել են, որ միջոցառմանը կմասնակցեն Ռուսաստանի Դաշնության, Բելառուսի, Ղազախստանի, Տաջիկստանի և Ղրղզստանի շահագրգիռ նախարարությունների և գերատեսչությունների ներկայացուցիչներ։ Երեք օրվա ընթացքում զորավարժությունների մասնակիցները փորձի փոխանակում կկատարեն և կբարելավեն հատուկ նշանակության ստորաբաժանումների […]