ՀՀ Ազգային ժողովի նախագահ Ալեն Սիմոնյանը շնորհավորական ուղերձ է հղել Իրանին՝ Իսլամական հեղափոխության հաղթանակի 44-րդ տարեդարձի առթիվ․ «Իրանը մեր հազարամյա հարևանն է, Հայաստանի բարեկամը։ Այսպես եղել է, կա և կլինի։ Շնորհավոր Իրանի Իսլամական Հանրապետության Ազգային տոնը»։

Քննչական կոմիտեն պարզաբանում է տարածել՝ ՀՀ ԱԺ մարդու իրավունքների և հանրային հարցերի մշտական հանձնաժողովի նախագահի՝ սոցիալական ցանցում «Անչափահասի նկատմամբ բռնությունները շարունակվում են» վերնագրով գրառման վերաբերյալ․ «Նախօրեին ՀՀ ԱԺ մարդու իրավունքների և հանրային հարցերի մշտական հանձնաժողովի նախագահը սոցիալական ցանցում «Անչափահասի նկատմամբ բռնությունները շարունակվում են» վերամբարձ և կտրական վերնագրի ներքո կատարել է գրառում այն մասին, թե իբր […]

Սիրիայում Հայաստանի գլխավոր հյուպատոսության խորհրդական, հյուպատոս Բաբկեն Բադալյանն այցելել է երկրաշարժից հետո քաղաքի հայկական համայնքային կենտրոններում ապաստանած քաղաքացիներին։ Այդ մասին հայտնում է Սիրիայում ՀՀ գլխավոր հյուպատոսությունը: Ավելի վաղ նա այցելել էր Ալ֊Շաար շրջան, որտեղ որոնողական աշխատանքներ է իրականացնում Հայաստանից ժամանած փրկարարների խումբը։ Բադալյանը զրուցել էր Իրանի փրկարարական խմբի գլխավոր համակարգողի հետ, ով բարձր էր գնահատել […]

ՀՀ-ի հետ բանակցություններում Թուրքիայի ներկայացուցիչ Սերդար Քըլըչը  շնորհակալություն է հայտնել հայ ժողովրդին առատաձեռն օգնության համար։ «Շնորհակալություն սիրելի Վահան Կոստանյան, սիրելի Ռուբեն Ռուբինյան, ձեր ջանքերի համար, որոնք սա հնարավոր դարձրին։ Ես միշտ կհիշեմ Հայաստանի ժողովրդի ուղարկած առատաձեռն աջակցությունը` օգնելու մեղմացնել Թուրքիայում երկրաշարժի գոտու մեր քաղաքացիների տառապանքները»,- գրել է նա Թվիթերի իր միկրոբլոգում։

Փետրվարի 10-11-ը ՆԳՆ ՓԾ ճգնաժամային կառավարման ազգային կենտրոնում 7 ահազանգ է ստացվել հանրապետության տարբեր տարածքներում արգելափակված ավտոմեքենաների վերաբերյալ: Մասնավորապես՝ Երևանում, Կոտայքի մարզի Հրազդան, Չարենցավան, Տավուշի մարզի Դիլիջան քաղաքներում, Սյունիքի մարզի Աղվանի-Վերին Խոտանան և Աղվանի-Տաթև ավտոճանապարհներին։ Դեպքի վայր ժամանած փրկարարներն արգելափակումից դուրս են բերել 9 ավտոմեքենա և 10 քաղաքացու ցուցաբերել համապատասխան օգնություն:

Թուրքիայում և Սիրիայում ավերիչ երկրաշարժի զոհերի թիվը հասել է շուրջ 25 հազարի: Թուրքիայում, վերջին տվյալների համաձայն, զոհվել է 20 665 մարդ։ Այդ երկրի առողջապահության նախարարությունից էլ հայտնել են, որ բնաղետի հետևանքով վիրավորվել է 80 088 քաղաքացի: Հավելենք, որ թարմացված տեղեկությամբ, Սիրիայում զոհվել է ավելի քան 3500 մարդ:

Ադրբեջանի կողմից Արցախի շրջափակման հետևանքով ստեղծված իրավիճակում ավելի քան 5100 մարդ է կորցրել աշխատանքը կամ եկամտի աղբյուրը: Արցախի Պետական եկամուտների կոմիտեի նախագահի տեղակալ Արմինե Մուսայելյանը «Արցախպրես»-ի հետ զրույցում մանրամասնել է, որ  շրջափակման պատճառով տուժել է տնտեսության 41 ոլորտ: «Տուժել են մանածագործական հագուստի, խմիչքների, արտադրության, միրգ-բանջարեղենի,մսի-մսամթերքի մշակման ու պահածոյացման ոլորտները, հանրային սննդի կազմակերպման ծառայությունները, ինչպես նաև հյուրանոցային […]