Հորդանանում ընթացող Մ17 տարեկանների աշխարհի առաջնությունում Մարատ Աճեմյանը դարձել է Մ17 աշխարհի առաջնության արծաթե մեդալակիր: Ավելի վաղ Նարեկ Գրիգորյանը դարձել էր ըմբշամարտի Մ17 ԱԱ բրոնզե մեդալակիր: Լյովա Շուխյանը (92 կգ) դուրս էր եկել կիսաեզրափակիչ։ Նա քառորդ եզրափակչում 10:0 հաշվով հաղթել է ալժիրցի մրցակցին։ 55 կգ քաշային Յուրիկ Մխիթարյանը կպայքարի բրոնզե մեդալի համար։ 48 կգ քաշային […]

ՈւԵՖԱ-ն ներկայացրել է Չեմպիոնների լիգայի օրհներգի թարմացված տարբերակը: Մեղեդին հնչում է մրցաշարի հանդիպումներից առաջ։ Նոր տարբերակում փոխել են գործիքավորման մասը և շեշտը դրել վոկալի վրա։ Օրհներգի նոր տարբերակը հրապարակվել է «Okko Sport» տելեգրամյան ալիքում։ Հիշեցնենք, որ 2024/25 մրցաշրջանից Չեմպիոնների լիգայում հանդես կգա 36 ակումբ, իսկ վիճակահանությունը կկայանա օգոստոսի 29-ին:

Սոֆիա Բաղրամյանը դարձավ Եվրոպայի մինչև 8 տարեկան աղջիկների կայծակնային շախմատի չեմպիոն։ Այս մասին տեղեկանում ենք Հայաստանի շախմատի ֆեդերացիայի տարածած հաղորդագրությունից։ Սոֆիան 18 հնարավորից վաստակեց 16 միավոր և կիսեց 1-2-րդ հորիզոնականները՝ լրացուցիչ ցուցանիշներով զբաղեցնելով 1-ին հորիզոնականը:

Հայաստանը ներկայացնող թենիսիստուհի Էլինա Ավանեսյանը հաղթանակով է մեկնարկել Մոնտերեյի բաց առաջնությունում։ Մեքսիկայում անցկացվող թինիսի WTA-500 շարքի մրցաշարում հայ թենիսիստուհին հաղթել է Էլիզաբեթա Կոչարետոյին՝ 7-6 (8-6), 6-1 հաշվով։ Ավանեսյանը հաջորդ փուլում մրցելու է Ուկրաինան ներկայացնող աշխարհի 28-րդ ռակետ Էլինա Սվիտոլինայի դեմ։

Հայաստանի թիմը դարձավ արագ շախմատի Եվրոպայի մինչև 10 տարեկանների թիմային առաջնության բրոնզե մեդալակիր: Թիմը ներկայացնում էին Դավիթ Մելքոնյանը, Աշոտ Ավետիսյանը, Արմեն Վարդանյանը և Սլավա Կոնջորյանը: Մեր փոքրիկները տարան 5 թիմային հաղթանակ, կրեցին 2 պարտություն և վաստակեցին 10 միավոր։ Հաղթողի կոչումը նվաճեց Իսպանիայի թիմը՝ 12 միավորով։ Երկրորդ տեղում է Ուկրաինայի թիմը՝ 11 միավորով։

Հորդանանի մայրաքաղաք Ամմանում ընթացող ըմբշամարտի աշխարհի մինչև 17 տարեկանների առաջնությունում Հայաստանի ըմբշամարտի հավաքականի ներկայացուցիչ հունահռոմեական ոճի ըմբիշ Սեյրան Կիրակոսյանը մեկնարկային գոտեմարտում ժամանակից շուտ պարտության է մատնել ադրբեջանցի Աբդուլ Հասանովին: Նշենք, որ Կիրակոսյանը Եվրոպայի պատանեկան առաջնության գործող փոխչեմպիոնն է։ Մրցաշարը կանցկացվի օգոստոսի 19-25-ը, առաջնությանը կմասնակցի ընդհանուր 576 ըմբիշ։

Մադրիդի «Ռեալի» նորեկ, ֆրանսիացի հարձակվող Կիլիան Մբապեն իսպանական Լա լիգայի առաջին տուրի «Մալյորկայի» դեմ հանդիպումից (1-1) հետո իր մարզաշապիկը հանդերձարանում նվիրել է թենիսի «Մեծ սաղավարտի» մրցաշարերի 22-ակի հաղթող Ռաֆայել Նադալին։ Լեգենդար թենիսիտը ներկա է եղել իր համար հարազատ երկու ակումբների հանդիպմանը։ Նադալը ծնվել է Մայորկայից ոչ հեռու գտնվող Մանակոր քաղաքում, իսկ նրա հորեղբայրը` Միգել Անխել […]