Այսօր հանդիպել են Ադրբեջանի արտաքին գործերի նախարար Ջեյհուն Բայրամովն ու Ադրբեջանում Կարմիր խաչի միջազգային կոմիտեի ներկայացուցչության ղեկավար Դրագանա Կոժիչը։ Հանդիպման ընթացքում քննարկվել են Ադրբեջանի և ԿԽՄԿ համագործակցության հարցեր, «Լաչինի անցակետում» տիրող իրավիճակը, ինչպես նաև ԿԽՄԿ-ի գործունեությունը Ստեփանակերտում։ 

Թուրք օրենսդիրները նախաձեռնությունների փաթեթ են պատրաստել պետական ​​ծառայողների նվազագույն աշխատավարձը բարձրացնելու և որոշ հարկեր ավելացնելու մասին։ Տեղական հեռուստատեսության տվյալներով՝ օրինագծերը ներկայացվել են խորհրդարանի նախագահությանը՝ հետագա ընթացակարգերի համար։ Ինչպես պարզաբանել է իշխող «Արդարություն և զարգացում» կուսակցության խորհրդարանական խմբակցության ղեկավար Աբդուլլահ Գյուլերը, առաջարկվում է պետական ​​ծառայողների նվազագույն աշխատավարձը 11,8 հազար լիրայից դարձնել 22 հազար լիրա (մոտ 850 […]

Սիրիայում անցած օրվա ընթացքում 5 թույլ երկրաշարժ է գրանցվել: Երկրի ազգային սեյսմոլոգիական կենտրոնի տվյալներով՝ անցած 1 օրվա ընթացքում գրանցվել է 5 ցնցում։ Դրանք բոլորը տեղի են ունեցել Լիվա Իսկենդերունի տարածքում, հայտնում է SANA գործակալությունը։

Այսօր առավոտյան 3,2 մագնիտուդով երկրաշարժ է տեղի ունեցել Թուրքիայի Մարաշ քաղաքում: Այս մասին հայտնում է Եվրոպական միջերկրածովյան սեյսմոլոգիական կենտրոնը: Նշվում է, որ երկրաշարժը գրանցվել է տեղական ժամանակով ժամը 08: 55-ին։ Ստորգետնյա ցնցումը գրանցվել է 1.2 կմ խորության վրա։

Թուրքիայի արտգործնախարար Հաքան Ֆիդանը վաղը կայցելի Ադրբեջան․ այս մասին հայտնել է Թուրքիայի ԱԳՆ-ն։

Ռուսաստանի ռազմական ծախսերի բյուջեն 2023թ․ կազմում է շուրջ 6,6 տրիլիոն ռուբլի (85,8 միլիարդ դոլար)․ ասվում է Ստոկհոլմի Խաղաղության միջազգային հետազոտությունների ինստիտուտի (SIPRI) նոր զեկույցում: Դա կազմում է երկրի կանխատեսվող համախառն ներքին արդյունքի մոտ 4,4%-ը։ 2021 թվականին՝ մինչև Պուտինը կներխուժեր Ուկրաինա, Ռուսաստանի ռազմական բյուջեն կազմում էր ՀՆԱ-ի մոտ 3,6%-ը:

Վրաստանի պատրիարքարանը կոչ է արել օրենսդրական մակարդակով պայքարել ԼԳԲՏ քարոզչության դեմ: «Մենք կարծում ենք, որ ԼԳԲՏ քարոզչությունն անընդունելի է, հատկապես դարավոր մշակույթ և քրիստոնեական արմատներ ունեցող երկրում: Դեռահասների շրջանում ցանկացած ձևով քարոզչության դրսևորումը նրանց գիտակցության նկատմամբ բռնություն է»,- ասվում է հայտարարության մեջ։