Թուրքիայի և Ադրբեջանի ռազմաօդային ուժերը համատեղ զորավարժություններ են անցկացնում, հայտնում է Ադրբեջանի ՊՆ-ն: Կատարվել են պայմանական հակառակորդի օբյեկտների խոցման առաջադրանքներ։ Նշենք, որ սրանք թվով 7֊րդ են այս տարվա մեջ։ Տարեկան կտրվածքով միջինում կազնակերպվում է մոտ 16 համատեղ զորավարժություն։

Թուրքիայի նախագահ Ռեջեփ Էրդողանը թվիթերյան իր միկրոբլոգում անդրադարձել է հայ-ադրբեջանական խաղաղության բանակցություններին։  Էրդողանը, մասնավորապես, գրել է. «Ադրբեջանի և Հայաստանի միջև խաղաղության համաձայնագրի ստորագրմամբ մեր տարածաշրջանը կձգտի ավելի բարեկեցիկ պայմանների։ Մենք այս երկխոսության գործընթացն իրականացնում ենք իմ եղբոր՝ Իլհամի հետ լիարժեք համակարգված և կոորդինացված։ Հավատում եմ, որ առաջիկայում մենք կտեսնենք այդ շփումների դրական արդյունքները»։ 

Վենետիկի հանձնաժողովը կարծիք է հայտնել օլիգարխների մասին վրացական օրինագծի վերաբերյալ և կոչ արել Վրաստանի խորհրդարանին՝ չընդունել այն, քանի որ մեծահարուստների ձեռքում իշխանության կենտրոնացման դեմ պայքարը համակարգված մոտեցում է պահանջում։ «Վենետիկի հանձնաժողովը խորհուրդ է տալիս չընդունել նախագիծը։ Վրացական իշխանությունները պետք է մշակեն հավելյալ միջոցներ օլիգարխիկ ազդեցության դեմ պայքարելու համար»,- ասվում է Վենետիկի հանձնաժողովի հրապարակած եզրակացության մեջ։ […]

Ադրբեջանում անցկացված մարդահամարի արդյունքներով` երկրի բնակչությունը այս տարվա մայիսի 1-ի դրությամբ կազմել է 10 միլիոն 143 հազար 521: Ազատության փոխանցմամբ, հայտնում են ադրբեջանական աղբյուրները։ Այդ երկրի պաշտոնական տվյալների համաձայն` բնակչության 54,6 տոկոսը քաղաքաբնակներ են, 45,4 տոկոսը՝ գյուղաբնակներ։ Հաղորդվում է նաև, որ Ադրբեջանի բնակչության մոտ 49,8 տոկոսը արական սեռի, 50,2 տոկոսը իգական սեռի ներկայացուցիչներ են։

Ադրբեջանի նախագահ Իլհամ Ալիևը շնորհավորել է ՌԴ նախագահ Վլադիմիր Պուտինին՝ Ռուսաստանի օրվա կապակցությամբ։ «Ադրբեջանն ու Ռուսաստանը կապված են ժողովուրդների բարեկամության, բարիդրացիության և փոխադարձ աջակցության դարավոր ավանդույթներով։ Այսօր այս ամուր հիմքի վրա հաջողությամբ զարգանում են մեր միջպետական ​​կապերը, սերտ ու վստահելի գործընկերությունը՝ օրեցօր ընդգրկելով ավելի ու ավելի նոր ոլորտներ», – ասվում է Ալիևի շնորհավորական ուղերձում։

Էրդողանը հունիսի 13-ին կմեկնի Ադրբեջան: Սա կլինի Թուրքիայի ղեկավարի առաջին արտասահմանյան այցը վերընտրվելուց հետո։ Հանդիպումների ընթացքում նախատեսվում է քննարկումներ անցկացնել ադրբեջանա-թուրքական հարաբերությունների զարգացման առաջիկա ժամանակահատվածում, ինչպես նաև տարածաշրջանում և աշխարհում տիրող իրավիճակի շուրջ։

Այսօր առավոտյան Թուրքիայի արևելյան, կենտրոնական և արևմտյան շրջաններում երեք երկրաշարժ է տեղի ունեցել, հայտնում է Եվրոպական միջերկրածովյան սեյսմոլոգիական կենտրոնը։ Առաջին երկրաշարժը գրանցվել է Թուրքիայի արեւելյան հատվածում՝ 5,3 մագնիտուդով, աղբյուրը գտնվել է 2 կմ խորության վրա։ Ստորգետնյա ցնցումները զգացվել են Էրզրումից 34 կմ հյուսիս-արևմուտք։ 4,3 մագնիտուդ ուժգնությամբ երկրորդ երկրաշարժը գրանցվել է Թուրքիայի կենտրոնական հատվածում, ստորգետնյա ցնցումները […]