Ռումինիայի մայրաքաղաք Բուխարեստում կայացած բազկամարտի և հաշմանդամային բազկամարտի Եվրոպայի առաջնությունում իրենց հիանալի են դրսևորել Հայաստանի ներկայացուցիչները։
Հայաստանի հաշմանդամային սպորտի Ֆեդերացիայի մարզիկները նվաճել են 22 մեդալ` 11 ոսկե, 5` արծաթե, 6` բրոնզե։ Այդ մասին տեղեկացնում է ՀՀ հաշմանդամային սպորտի Ֆեդերացիայի մամուլի ծառայությունը: Թիմային հաշվարկով Հայաստանը գրավել է 2-րդ տեղը:
Բազկամարտի առաջնությունում 29-ամյա Աշոտ Ադամյանը 65 կգ քաշային կարգում հաղթելով ադրբեջանցի մրցակցին, հռչակվել է Եվրոպայի չեմպիոն։ 17-ամյա Արման Մրթեյանը 60 կգ քաշայինների եզրափակիչում պարտության է մատնել Թուրքիայի ներկայացուցչին և նույնպես աշխարհամասի չեմպիոն է ճանաչվել։
