Աշխարհահռչակ դերասան, բարեգործ և գլոբալ տաքացման հիմնախնդիրներով զբաղվող Լեոնարդո դի Կապրիոյի «Earth Alliance» հիմնադրամը 5 մլն դոլար է նվիրաբերել Ամազոնի խոնավ անտառը վերականգնելու գործին: Հիմնադրամի՝ օգոստոսի 25-ին ստեղծված «Ամազոնի անտառ» անունը կրող նոր ֆոնդը փորձում է օգնել տեղի իր գործընկերներին ու բնակիչներին պաշտպանել անտառը:
5մլն ԱՄՆ դոլարը, որն արդեն նվիրաբերվել է այս գործին, ուղղված կլինի անտառին ու դրա բնակիչներին հասցված վնասի վերականգնմանը։
Հիշեցնենք, որ Բրազիլիայում գտնվող Ամազոնի անձրևային անտառը, որն ապահովում է Երկիր մոլորակի թթվածնի 20%-ը, 2 շաբաթից ավելի այրվում է՝ անդառնալի վնասներ հասցնելով բուսական և կենդանական աշխարհին, ինչպես նաև անտառում ապրող մարդկանց ցեղախմբերին:
