Ինչպես տեղեկացնում է BBC-ն, Բրազիլիայի կառավարությունը հայտարարել է, որ կհրաժարվի միջազգային ֆինանսական օգնությունից, որն առաջարկել էին G7-ի երկրները՝ Ամազոնի անտառներում մոլեգնող հրդեհների դեմ պայքարի համար։
Երկրի կառավարությունը չի նշել առաջարկից հրաժարվելու պատճառների մասին, սակայն նախագահի աշխատակազմի ղեկավարը հայտարարել է, որ այդ օգնությունն ավելի շատ պետք կգա եվրոպական երկրների անտառների հրդեհները մարելուն: Նա նշել է, որ Ֆրանսիայի նախագահ Մակրոնը չկարողացավ խուսափել «համաշխարհային ժառանգություն համարվող Նոտր Դամի հրդեհից և դեռ ցանկանում է իրենց դասեր տալ, և որ Բրազիլիան ցանկացած երկրի կարող է սովորեցնել, թե ինչպես պետք է պահպանել անտառները:
Ավելի վաղ Ֆրանսիայի նախագահ Էմանուել Մակրոնը հայտարարել էր, որ Ամազոնի անտառային հրդեհների դեմ պայքարի համար կհատկացվի 22 միլիոն դոլար օգնություն:
