Ուկրաինայում պատերազմը նաև Բեռլինի մեղքով է․ աջակցել է Պուտինին․ լեհ նախարար

Լեհաստանի փոխվարչապետ և ազգային պաշտպանության նախարար Մարիուշ Բլաշչակը Գերմանիային մեղադրել է այն ֆինանսական բազայի կառուցման մեջ, որը Պուտինին թույլ է տվել պատերազմ սկսել Ուկրաինայում։

«Գերմանիան տարիներ շարունակ աջակցել է Պուտինին. Կասկած չկա, որ նրանք կերտեցին Ռուսաստանի իշխանությունը, որը թույլ տվեց Պուտինին հարձակվել Ուկրաինայի վրա»,- ասել է նա։

Բլաշչակը նշել է, որ Գերմանիայի քաղաքականության մեջ փոփոխություն է տեղի ունեցել․ «որքան կտևի դա, մենք կտեսնենք»:

«Այս ամենը պահանջում է դրսից ճնշում, ինչպես դա տեղի է ունենում Ուկրաինային տանկերի մատակարարման դեպքում»,- հավելել է նա։

Բլաշակը նաև ասել է, որ Ռուսաստանը հաստատ կանգ չի առնի, եթե տիրի Ուկրաինային։

Նա խնդիր չի համարել ուկրաինական պատերազմին լեհ վարձկանների մասնակցությունը։